Ulttyq bank teńgeniń álsireýine qatysty túsinik berdi, dep habarlaidy Banktiń baspasóz qyzmeti.
Búgingi birja saýda-sattyǵyndaǵy teńgeniń bir AQSh dollaryna shaqqandaǵy baǵamy 423,70 deńgeiinde jabyldy.
«Munai naryǵyndaǵy teris serpin Qazaqstannyń valiýta naryǵyna da áser etti. Keshegi kúni teńge 0,2%-ǵa álsiredi, al búgin saýda-sattyqty 422,9-dan bastap, bir kúnde 0,4%-ǵa álsiredi. Qazaqstan qor birjasynyń búgin saǵ. 17:00-degi jabylý baǵamy 423,70 deńgeiinde tirkeldi. Ulttyq valiýtanyń serpini negizgi irgeli faktorlar qozǵalysynyń sońynan ilesýde», - dep túsindirdi banktiń baspasóz qyzmeti.
