Ulttyq bank teńgeniń aiyrbas baǵamynyń kúrt aýytqýyn shekteý sharalaryn júrgizip jatyr. Bul týraly QR Ulttyq banki tóraǵasynyń orynbasary Vitalii Týtýshkin Parlamentte respýblikalyq biýdjetti talqylaý kezinde aitty, dep habarlaidy QazAqparat.
«Ulttyq bank aiyrbas baǵamynyń kúrt aýytqýyn jáne onyń keiinnen infliatsiiaǵa kóshýin shekteý sharalaryn qolǵa aldy. Kei kúnderi valiýtalyq interventsiialar júrgizdi. Júrgiziletin operatsiialar týraly aqparat ýaqytynda jariialanyp otyr», - dedi Týtýshkin Májilistiń jalpy otyrysynda.
Onyń aitýynsha, kvazimemlekettik sektor sýbektileriniń valiýtany satý kólemin ulǵaitý maqsatynda olardyń valiýtalyq túsimdi mindetti satý mólsheri 75%-ǵa deiin ulǵaidy.
Infliatsiiaǵa qarsy saiasatty kúsheitý úshin Úkimet Ulttyq bankpen birge biylǵy aqpannan bastap «2022-2024 jyldarǵa arnalǵan infliatsiia deńgeiin baqylaý jáne tómendetý jónindegi jańartylǵan sharalar keshenin» iske asyryp keledi.
«Geosaiasi jaǵdaidyń nasharlaýyna bailanysty jahandyq qarjy, taýar naryqtarynda buryn-sońdy bolmaǵan ózgerister aiasynda teńgeniń aiyrbas baǵamy biyl 15 naýryzdaǵy saýda-sattyq qorytyndysy boiynsha eń joǵary deńgeide 512,17 teńgege deiin álsiredi, biraq 19 sáýirge qarai 443,85 teńgege deiin nyǵaiyp, shyǵynnyń qomaqty bóligin japty», - dedi Ulttyq bank ókili.
