Ulttyq banktiń Aqsha-kredit saiasaty departamenti direktorynyń orynbasary Denis Cherniavskii sáýir aiyndaǵy infliatsiia boiynsha túsinikteme berdi, dep habarlaidy "Ult aqparat" UB baspasóz qyzmetine silteme jasap.
Sáýirdegi saýalnamanyń nátijesine súiensek, halyqtyń infliatsiialyq boljamy ósti. Infliatsiialyq kútýlerdiń bir jyl alǵa sandyq baǵasy 7,2%-dy qurady. Kelesi 12 ai ishinde baǵanyń qazirgi ósý qarqynynyń saqtalýyn ne baǵanyń neǵurlym jyldam ósýin kútetin respondentterdiń úlesi 47%-ǵa deiin ósti (naýryzda – 44%).
Respondentterdiń 85%-y (naýryzda 88%) azyq-túlik ónimderiniń baǵasy ósetinin aitty. Sáýirde azyq-túlikke jatpaityn taýarlardyń, sonyń ishinde janarmai men qurylys materialdary baǵasynyń ósýin belgilegen respondentterdiń úlesi 6,9%-ǵa (naýryzda 4,5%). Qazirgi jáne bolashaqtaǵy qarjylyq jaǵdai, sondai-aq ekonomikanyń damý perspektivalary tómen baǵalanǵanda tutynýshylardyń kóńil-kúii azdap buzyldy.
Tutynýshylyq jáne ipotekalyq nesiesi bar respondentterdiń úlesi tómendedi. Aldaǵy jyly nesie alǵysy keletin halyqtyń úlesi 18%-ǵa deiin azaidy (2021 jyly qańtarda – 20%). Sonymen birge respondentterdiń kóptep satyp alýlarǵa daiyndyǵy artty.
2021 jyly sáýirde ekonomikanyń qysqa jáne uzaq merzimdi kútýleri oń aimaqta bolǵanyna qaramastan, úsh ai boiy nashar boldy.
