Qazaqstan Ulttyq banki pen «Qazaqstan qor birjasy» AQ birlesken málimdeme jasady, dep habarlaidy "Ult aqparat".
«Ótken táýlikte jahandyq qarjy naryǵyndaǵy qubylmalyq aitarlyqtai artty. Brent markaly munai baǵasy barreline 25 dollarǵa tómendep, bir táýliktiń ishinde 14 paiyzǵa, jyl basynan beri 60 paiyzdan astamǵa quldyrady. Álemdik qor jáne valiýta naryqtary quldyraýyn jalǵastyrý ústinde. Resei rýbli bir kúnniń ishinde 7,3 paiyzǵa, al jyldyń basynan beri 30 paiyzǵa álsiredi. Osyndai jaǵdaida ishki valiýta naryǵyna syrtqy faktorlardyń turaqsyzdandyrý yqpalyn shekteý úshin jáne Qazaqstan Respýblikasynyń qarjylyq turaqtylyǵyn qamtamasyz etýge járdemdesý maqsatynda Ulttyq bank «Qazaqstan qor birjasy» AQ-pen birge 2020 jyldyń 19 jáne 20 naýryzynda teńge-dollar valiýta jubyn Frankfýrt aýktsiony túrinde satý sheshimin qabyldady», - dedi Ulttyq bankten.
Frankfýrt aýktsiony túrindegi saýda-sattyq júrgizý týraly sheshim klientterdiń qolyndaǵy ótinimderdi qanaǵattandyrady jáne valiýta naryǵyndaǵy jaǵdaidyń turaqsyzdanýyna jol bermeidi.
Saýda-sattyqtyń munan arǵy rejimi týraly aqparat jariia málimdeme arqyly taratylady.
Esterińizge sala ketsek, buǵan deiin de «Qazaqstan qor birjasy» 2005 jyldyń 1 shildesinde Frankfýrt aýktsiony túrinde saýda-sattyq engizgen bolatyn.
