Ulttyq bank otandyq avtoónerkásipke qoldaý kórsetý úshin avtokreditteý baǵdarlamasyna 20 mlrd teńge bóldi, dep habarlaidy "Ult aqparat".
Ulttyq bank baspasóz qyzmetiniń málimetinshe, otandyq óndiristegi jeńil avtokólikti satyp alýshylardy kreditteý baǵdarlamasynda (Ulttyq bank basqarmasynyń 2019 jylǵy 31 mamyrdaǵy № 79 qaýlysymen bekitilgen) jyl saiyn 5 jyl ishinde (2019 – 2023 jyldar aralyǵynda) 20 mlrd teńgege deiin bólý kózdelgen.
Bul baǵdarlama sheńberinde biyl «Qazaqstannyń Damý banki» AQ (QDB) 20 mlrd teńge somaǵa qarjylandyrý aldy. Alynǵan qarajatty QDB ekinshi deńgeidegi bankterge jeke tulǵalardy – otandyq óndiristegi jeńil avtokólikti satyp alýshylardy kreditteý úshin jiberedi.
«Sonymen birge Ulttyq banktiń baǵdarlamasy boiynsha avtokreditteýdiń jeńildik talaptary saqtalǵanyn atap ótken mańyzdy. Máselen, syiaqynyń nominaldy mólsherlemesi jyldyq 4%-dan aspaidy (jyldyq tiimdi syiaqy mólsherlemesi – 7,5%-ǵa deiin), kreditteý merzimi – 7 jyldan aspaidy. Otandyq avtomobildiń quny 15 mln teńgeden aspaýǵa tiis», delingen habarlamada.
