ۇلتتىق بانك وتاندىق اۆتوٶنەركەسٸپكە قولداۋ كٶرسەتۋ ٷشٸن اۆتوكرەديتتەۋ باعدارلاماسىنا 20 ملرد تەڭگە بٶلدٸ, دەپ حابارلايدى "ۇلت اقپارات".
ۇلتتىق بانك باسپاسٶز قىزمەتٸنٸڭ مەلٸمەتٸنشە, وتاندىق ٶندٸرٸستەگٸ جەڭٸل اۆتوكٶلٸكتٸ ساتىپ الۋشىلاردى كرەديتتەۋ باعدارلاماسىندا (ۇلتتىق بانك باسقارماسىنىڭ 2019 جىلعى 31 مامىرداعى № 79 قاۋلىسىمەن بەكٸتٸلگەن) جىل سايىن 5 جىل ٸشٸندە (2019 – 2023 جىلدار ارالىعىندا) 20 ملرد تەڭگەگە دەيٸن بٶلۋ كٶزدەلگەن.
بۇل باعدارلاما شەڭبەرٸندە بيىل «قازاقستاننىڭ دامۋ بانكٸ» اق (قدب) 20 ملرد تەڭگە سوماعا قارجىلاندىرۋ الدى. الىنعان قاراجاتتى قدب ەكٸنشٸ دەڭگەيدەگٸ بانكتەرگە جەكە تۇلعالاردى – وتاندىق ٶندٸرٸستەگٸ جەڭٸل اۆتوكٶلٸكتٸ ساتىپ الۋشىلاردى كرەديتتەۋ ٷشٸن جٸبەرەدٸ.
«سونىمەن بٸرگە ۇلتتىق بانكتٸڭ باعدارلاماسى بويىنشا اۆتوكرەديتتەۋدٸڭ جەڭٸلدٸك تالاپتارى ساقتالعانىن اتاپ ٶتكەن ماڭىزدى. مەسەلەن, سىياقىنىڭ نومينالدى مٶلشەرلەمەسٸ جىلدىق 4%-دان اسپايدى (جىلدىق تيٸمدٸ سىياقى مٶلشەرلەمەسٸ – 7,5%-عا دەيٸن), كرەديتتەۋ مەرزٸمٸ – 7 جىلدان اسپايدى. وتاندىق اۆتوموبيلدٸڭ قۇنى 15 ملن تەڭگەدەن اسپاۋعا تيٸس», دەلٸنگەن حابارلامادا.
