Sońǵy ýaqytta valiýta naryǵynda reseilik rýbldiń nyǵaia túskeni baiqaldy, dep habarlaidy QazAqparat.
QR Ulttyq bankiniń Monetarlyq operatsiialar departamenti direktorynyń orynbasary Ivan Serdiýktiń pikirinshe, rýbldiń shetel valiýtalaryna, onyń ishinde AQSh dollaryna qatysty nyǵaiýy importtyń tómendeýimen jáne kapital qozǵalysyn baqylaý baǵytynda engizilgen sharalarmen bailanysty.
«Maýsym aiynyń basynan bastap rýbl dollarǵa qatysty shamamen 15%-ǵa nyǵaidy. Rýbl/teńge baǵamyn belgileýge eń aldymen dollarǵa qatysty teńge men rýbldiń jeke-dara áreketi yqpal etedi. Rýbl álemdik naryqta dollarǵa qatysty nyǵaiyp keledi, sondyqtan rýbl/teńge baǵamynyń ósýi jalǵasýda», -deidi Ulttyq bank ókili.
