Ulttyq bank tóraǵasynyń orynbasary Áliia Moldabekova AQSh-taǵy prezident sailaýynyń qorytyndysy naryqqa qalai áser etkenin baǵamdap kórdi. Onyń pikirinshe, sailaý nátijeleri naryq qatysýshylary arasyndaǵy keibir belgisizdikterdi joidy, dep habarlaidy Sputnik Kazakhstan.
Tóraǵa orynbasary óz sózinde AQSh prezidenttigine úmitkerler arasyndaǵy qyzý jarysqa qaramastan, 4 kúndik daýystardy sanaýdyń nátijeleri boiynsha Demokratiialyq partiianyń atynan úmitker Djo Baiden jeńiske jetkenin atap ótti.
"AQSh-taǵy sailaý nátijeleri naryqqa qatysýshylardaǵy belgisizdiktiń bir bóligin joidy. Jańa sailanǵan prezident fiskaldy yntalandyrýdyń keńeitilgen sharalaryn, Qytaimen saýda qatynastaryndaǵy qatańdyǵy az bailanysty jaqtaidy. Osynyń barlyǵy qor naryqtary tarapynan jaqsy qabyldanýy tiis", – deidi Moldabekova.
Biraq Senatqa sailaý boiynsha daýystardy sanaý áli de jalǵasýda, bul da aldaǵy bolashaq pen stsenariiler turǵysynan mańyzdy bolady.
Moldabekovanyń túsindirýinshe, bazalyq stsenariidi "bólingen" Kongress dep esepteýge bolady. Onda respýblikashyldardyń kópshiligi Senatty, al demokrattar Ókilder palatasyn qoldaityn bolady.
Osyndai pikir bildirgen ol óz sózinde aktsiialar naryǵy úshin bul oń bolyp sanalatynyn jetkizdi. Óitkeni korporativtik salyqtardyń ósýi men tehnologiialyq sektordy retteýdi qatańdatý júrgiziledi dep boljanbaidy.
"Bul rette, munaidyń álemdik baǵasy qysymǵa ushyrap otyr. Buǵan koronavirýsty juqtyrý jaǵdailarynyń ósýiniń jalǵasýy jáne birqatar elderde qaita lokdaýyndy engizý qaýpi áser etýde. AQSh-ta karantin sharalaryn engizý yqtimaldyǵy ósip keledi. Munaidyń tómen baǵasy tólem balansy arqyly jáne ishki naryqta valiýta usynysynyń tómen kólemi arqyly teńgege qysym kórsetýin jalǵastyrýda", – deidi Moldabekova.
Munai baǵasynyń budan keiingi serpini pandemiia jaǵdaiyna jáne OPEK+ múshe elderdiń sheshimderine bailanysty bolady.
Resei, Aljir jáne Irak 2021 jyldyń alǵashqy ailarynda munai óndirýdiń shekteýli deńgeiin saqtaýdy qoldap otyr.
Aita keteiik, aidyń ortasyna qarai OPEK+ vedomstvoaralyq monitoring komitetiniń otyrysy ótýge tiis. Onda baǵanyń bir barrel úshin 40 dollardan tómen quldyraýyna jol bermeý jóninde usynystar jasalýy múmkin.
