- Búgin Astanadaǵy Beibitshilik pen kelisim saraiynda bastalǵan "Qazaqstan Táýelsizdiginiń 25 jyldyǵy: ulttyq valiýta" taqyrybyndaǵy konfereniia aiasynda QR Ulttyq bankiniń tóraǵasy Daniiar Aqyshev Memleket basshysy Nursultan Nazarbaev beinelengen jańa 10 000 teńgelik banknotty tanystyrdy, dep xabarlaidy Ult.kz tilshisi QazAqparat agenttigine silteme jasap.
Jańa banknotada saqtar dáýirinen búgingi kúnge deiingi tarix jinaqtalǵan. Ondaǵy galogramma - simvoldyq beineler arqyly kórsetilgen Astananyń panoramalyq beinesindegi qorǵanysh elementteri. Al yntymaqtastyq ideiasy Qazaqstannyń kartasy kópultty xalyqtardyń ortaq úii retinde beinelengen. Qazaq Eli monýmentindegi Samuryq qus keshegi men búginginiń sabaqtastyǵynyń belgisi bolyp tabylady. Mereitolyq kýpiýra Prezidenttiń, Ult kóshbasshysynyń el damýyna sińirgen eren eńbeginiń kórinisin beineleýge baǵyttalǵan", - delingen banknotty tanystyrý beinebaianynda.
Ulttyq bank tóraǵasy Daniiar Aqyshevtyń aitýynsha, Prezident Nursultan Nazarbaevtyń el Táýelsizdigine sińirgen eńbegin eskere otyryp, atalǵan kýpiýrany shyǵarý týraly sheshim qabyldandy. Álemde ondai tájiribeler barshylyq. "Bul - jańa taqyryp emes. Nelson Mandella, Mustafa Kemal Atatúrik, Li Kýaniý, Ýinston Cherchil jáne taǵy basqa kóshbasshylar óz elderiniń qazirgi valiýtasynda beinelengen",- deidi D.Aqyshev. Onyń aitýynsha, jańa kýpiýra Prezident kúni - 1 jeltoqsanǵa qarai shekteýli taralymmen bastyrylady.
.jpeg)