QR Ulttyq banki tóraǵasynyń orynbasary Áliia Moldabekova valiýta naryǵyndaǵy interventsiialar týraly aitty, dep habarlaidy "Ult aqparat".
«Ulttyq bank interventsiia júrgizdi. Bul eldegi qarjylyq turaqtylyqty qamtamasyz etý men qiyn sátte qarjylyq naryqtyń durys jumys isteýine yqpal etti. Munai baǵasynyń kúrt tómendeýi jaǵdaiynda syrty faktorlardyń ishki valiýta naryǵyna keri yqpalyn azaitý maqsatynda 10 naýryzdan bastap Ulttyq bank 1487,6 mln AQSh dollary kóleminde interventsiia jasady. Interventsiia birja naryǵynda ádettegi saýda túrinde de, frankfýrt aýktsiony túrinde de ótti», - dedi Á. Moldabekova.
Onyń aitýynsha, júrgizilgen interventsiialarǵa qaramastan ai qorytyndysyna sáikes halyqaralyq rezervter 80 mln dollarǵa artyp, $29,97 mlrd boldy. Konvertatsiialanatyn valiýta rezervi $10,3 mlrd-qa artqan.
Naýryzda Ulttyq bank Ulttyq qordy qalyptastyrý maqsatynda altyn valiýta aktivterinen 300 mln AQSh dollary kóleminde altyn satty.
