Ulttyq bank tóraǵasynyń orynbasary Aqyljan Baimaǵambetov 2021 jyldyń sońyna deiingi ekonomikalyq damýdyń boljamdary týraly aitty, dep habarlaidy QazAqparat.
"Bizdiń ekonomikamyzdyń qurylymyn eskere otyryp, munai baǵasy ekonomikalyq belsendilik pen infliatsiialyq protsesterdiń aǵymdaǵy jáne bolashaq dinamikasyn anyqtaityn negizgi faktorlardyń biri retinde qarastyrylady. Karantindik shekteýlerdiń alynyp tastalýy aiasynda óndiris kólemin shekteý jáne energiia resýrstaryna suranystyń artýy boiynsha OPEK + kelisimin oryndaý munai baǵasynyń ósýin negizinen qalpyna keltirdi", - dedi Aqyljan Baimaǵambetov.
Halyqaralyq agenttikterdiń boljamy boiynsha, Brent markaly munaidyń ortasha baǵasy 2020 jyldyń aiaǵyna deiin barreline 40 dollarǵa, 2021 jyly 45 dollarǵa kóteriledi.
"Degenmen, álemdik shikizat naryǵyndaǵy suranys pen turaqsyzdyq dinamikasy áli de saqtalyp otyr. Mysaly, Iraktyń qiyn qarjylyq jaǵdaiyna bailanysty OPEK + kelisimi boiynsha mindettemeler oryndalmaýda. Qytaidan munaiǵa degen suranys azdap tómendedi. Sondyqtan «2020 jyldyń tamyz-qyrkúiek» boljamdy raýndy sheńberinde biz konservativti tásildi ustanamyz jáne Brent markaly munaidyń baǵasy 2020-2021 jyldar aralyǵynda orta eseppen bir barreline 40 dollardan baǵalanady", - dep atap ótti spiker.
Ekonomikaǵa munai baǵasymen qatar, Qazaqstannyń syrtqy seriktes elderindegi ekonomikalyq belsendilik pen infliatsiia, álemdik taýar naryqtaryndaǵy ahýal, azyq-túliktiń álemdik baǵalarynyń dinamikasy da áser etedi.
Sonymen qatar, ishki faktorlar retinde ekonomika salalaryndaǵy ahýal, halyqtyń kiristeri, eńbek naryǵy jáne aqsha-nesie kórsetkishteri qarastyrylady.
