Ulttyq bank Qazaqstannyń qarjy naryǵynda turaqtylyqty qamtamasyz etý úshin qosymsha sharalar qabyldaýǵa daiyn. Bul týraly bank tóraǵasynyń orynbasary Áliia Moldabekova aitty, dep habarlaidy QazAqparat.
Onyń aitýynsha, naryqtaǵy qubylmaly jaǵdai teńge baǵamyna áser etedi.
«Teńge qubylmalylyǵynyń artýy 2020 jyly buryn-sońdy bolmaǵan kútpegen ózgeris jaǵdaiynda syrtqy naryqtaǵy joǵary qubylmalylyqqa sáikes keledi. Máselen, Vix qubylmalylyq indeksiniń ortasha máni 2019 jylǵy 15,4%-dan aǵymdaǵy jyly 30%-ǵa deiin eki ese ósti. Munai baǵasynyń ortasha kúndik qubylmalylyǵy 2019 jylǵy 2,1%-dan 2020 jyly 4,3%-ǵa deiin ósti», – deidi Áliia Moldabekova.
Teńgeniń qubylmalylyǵy ózgermeli aiyrbastaý baǵamynyń obektivti saldary retinde baǵamnyń naryqtyq túzetilýin qamtamasyz etedi jáne ekonomikada teńgerimsizdiktiń jinaqtalýyn barynsha azaitady.
Teńge baǵamynyń álsireýinen ony ustap turý naqty aiyrbastaý baǵamynyń shamadan tys nyǵaiýyna jáne tiisinshe, otandyq ekonomikanyń saýda áriptesteri aldyndaǵy básekege qabilettiligin joǵaltýǵa ákep soǵady.
Kerisinshe, ulttyq valiýtanyń nyǵaiýyna kedergi naqty aiyrbastaý baǵamynyń shamadan tys álsireýine jáne infliatsiialyq protsesterdiń ósýine ákep soǵady.
Negizdelgen qubylmalylyq qalypty jumys isteitin valiýta naryǵynyń sipattamasy bolyp tabylady jáne naryq qatysýshylarynyń tiimdi is-qimylyna yqpal etedi.
«Ulttyq bank aldaǵy ýaqytta da teńgeniń oryndy qubylmalylyǵyn shektemeidi. Interventsiialar qarjylyq turaqtylyq úshin táýekelderdi shekteý jáne irgeli negizi joq aiyrbastaý baǵamynyń turaqsyzdandyratyn qysqa merzimdi aýytqýlaryn retteý maqsatynda ǵana júrgiziletin bolady», – deidi ulttyq bank ókili.
