QR Ulttyq banki tóraǵasynyń orynbasary Esjan Birtanov elimizdegi infliatsiia deńgeiine qatysty túsinik berdi, dep habarlaidy "Ult aqparat".
«Eldegi baǵa turaqtylyǵyn qamtamasyz etý - Ulttyq banktiń negizgi basym mindeti bolyp qalýda. 2019-2021 jyldarǵa infliatsiianyń nysanaly dálizi 4-6 paiyz aýqymynda belgilengen. Qyrkúiek aiynyń qorytyndysy boiynsha jyldyq infliatsiia 5,3 paiyz deńgeide boldy. Jemis pen kókónis baǵasynyń maýsymdyq tómendeýine qaramastan, defliatsiialyq protsester baiqalmady. Azyq-túlik taýarlarynyń baǵasy jyldyq mánde 9,1 paiyzǵa ósip, infliatsiiaǵa barynsha kóp úles qosýyn jalǵastyrýda», - dedi E. Birtanov Parlament Senatynda respýblikalyq biýdjetke qatysty zań jobasynyń tanystyrylymynda.
Onyń sózine qaraǵanda, biýdjettik áleýmettik shyǵystardyń ósýi negizgi proinfliatsiialyq faktor bolyp tabylady. Onyń infliatsiiaǵa qosqan úlesi 0,5 paiyzdyq tarmaqqa baǵalanady. Basqa faktorlardyń ishinde azyq-túlikke álemdik baǵanyń joǵarylaýyn, iskerlik belsendiliktiń ósýin jáne tólem balansynyń aǵymdaǵy shotynyń nasharlaýyn atap ótýge bolady.
«Bizdiń baǵalaýymyzsha, infliatsiia aǵymdaǵy jyldyń qorytyndysy boiynsha nysanaly dálizdiń joǵary shekarasyna jaqyn – 5,7-5,8 paiyz deńgeiinde qalyptasatyn bolady. Infliatsiia boiynsha maqsatty baǵdarǵa qol jetkizý jáne teńgelik aktivterge suranysty arttyrý úshin 9 qyrkúiekte Ulttyq bank bazalyq stavkany 9-dan 9,25 paiyzǵa deiin kóterdi», - dedi UB tóraǵasynyń orynbasary.
