Foto: Tengrinews.kz/Turar Qazanǵapov
Ulttyq bank Qazaqstanda aldaǵy úsh aida devalvatsiia jáne defolt bolýy yqtimal ekeni týraly aqparatqa qatysty pikir bildirdi, - dep habarlaidy Tengrinews.kz.
Áleýmettik jelilerde úsh ai ishinde defolt jáne devalvatsiia bolýy yqtimal ekeni týraly habarlama tarady.
"Assalaýmaǵalaikúm jigitter. Kimniń depozitinde aqshasy bolsa, tez arada alýǵa keńes beremin. Kimniń qolma-qol aqshasy bolsa, ony dollarǵa aiyrbastańyz. Eger kólik nemese páter alýdy josparlasańyz, qazir alǵanyńyz durys, óitkeni jaqynda devalvatsiia bolady. Dál 3 aidan keiin bankterde defolt bolady. Azyq-túlikti eski baǵamen satyp alyńyz, jaqyn arada baǵa 2-3 ese kóteriledi. Elde qysqartýlar bolady. Barlyq jaqynyńyzǵa eskertińiz", - delingen habarlamada.
Ulttyq bank ókilderi qarjylyq turaqtylyqty qoldaý boiynsha sharalar qabyldap jatqanyn, al Úkimet daǵdarysqa qarsy sharalar keshenin júrgizip jatqanyn aitty.
2022 jyldyń 24 aqpanynda Ulttyq bank bazalyq mólsherlemeni 13,5 paiyzǵa deiin kótergeni habarlandy. Jeke tulǵalardyń teńgedegi depozitteri boiynsha biýdjet qarajaty esebinen ótemaqy esepteýdi kózdeitin teńgelik depozitterdi qorǵaý baǵdarlamasy jariialandy. Bazalyq mólsherleme kóterilgennen keiin Qazaqstannyń depozitterge kepildik berý qory usynǵan teńgedegi depozitter boiynsha shekti mólsherlemeler kóterildi.
Usynylǵan jedel sharalar Qazaqstannyń qarjy naryǵyna, atap aitqanda onyń valiýtalyq segmentin turaqtandyrǵa áser etedi dep boljanǵan.
"Álemdik qarjy naryqtaryndaǵy qubylmalyqtyń aitarlyqtai artýy jaǵdaiynda ishki valiýta naryǵyndaǵy jaǵdaidyń turaqsyzdanýyna jol bermeý maqsatynda Ulttyq bank valiýtalyq interventsiialar júrgizdi. Interventsiialar kólemi jedel túrde jariialanyp, túsindirmeler berildi", - delingen habarlamada.
Banktiń álemdegi jaǵdaidy naqty ýaqyt rejiminde baqylap otyratyny jáne keleńsiz stsenariiler týyndaǵan jaǵdaida ishki qarjy naryǵyndaǵy turaqsyzdyqtyń aldyn alý úshin barlyq qajetti quraldar bar ekeni aitylǵan.
"Sonymen qatar, Ulttyq bank tolyqqandy infliatsiialyq targetteý rejimine kóshý boiynsha jumysty jalǵastyryp jatyr, onyń qajetti sharty - ekonomikadaǵy qurylymdyq ózgerister jáne valiýta baǵamynyń erkin ózgermeli qaǵidattaryn ustaný. Naryq belgisizdigi jaǵdaiynda eń jaqsy aqylǵa qonymdy usynys - úreilenbeý jáne sheshim qabyldaý", - dep qorytyndylady bank ókilderi.
