Qazaqstan QR Ulttyq banki «BELKA - STRELKA» jáne «SÚNDET TOI» kollektsiialyq monetalaryn ainalymǵa shyǵaryp jatyr. Satý kúni týraly aqparat QR Ulttyq bankiniń resmi saitynda qosymsha jariialanady dep habarlaidy "Ult aqparat".
Kúmisten nominaly 500 teńgelik, melhior qospasynan nominaly 200 teńgelik jáne neizilber qospasynan nominaly 100 teńgelik «BELKA - STRELKA» kollektsiialyq monetalary «Ǵarysh» monetalar seriiasyn jalǵastyrady. Monetalar Belka men Strelka itteri Qazaqstan jerindegi «Baiqońyr» ǵarysh ailaǵynan «Vostok» ǵarysh kemesinde ushqan kúnnen bastap 60 jyl tolýyna arnalǵan. Belka men Strelka – orbitaǵa sapar shekken jáne Jerge aman oralǵan kosmonavt itter.
Monetalardyń sipattamasy:
Monetalardyń aversinde, ortasynda adamzat pen ǵalamshardyń birligin, ótken kún men osy kúnniń bailanysyn bildiretin kompozitsiia beinelengen. Monetalardyń oń jaq bóliginde monetalardyń nominalyn bildiretin: tantaly bar kúmis monetada «500 TEŃGE», melhior qospasynan jasalǵan monetada «200 TEŃGE», neizilber qospasynan jasalǵan monetada «100 TEŃGE» dep jazylǵan. Tantaly bar kúmis moneta nominalynyń astynda – moneta daiyndalǵan metaldy, onyń synamasy men massasyn bildiretin «Ag 925 14,6 g Ta 26,8 g» degen jazý bar. Tómengi jaǵynda – Qazaqstan teńge saraiynyń taýar belgisi (logotipi) bar. Jieginde memlekettik tilde «QAZAQSTAN RESPÝBLIKASY», aǵylshyn tilinde «REPUBLIC OF KAZAKHSTAN» dep ainaldyra jazylǵan jazý bar.
Monetalardyń reversinde, ortasynda – ǵaryshtyq aishyqtalǵan kapsýladaǵy Belka men Strelkanyń beinesi. Joǵary bóliginde ashyq ǵaryshtyń simvolyn bildiretin juldyzdar shoǵyryn kórýge bolady. Jieginde orys tilinde «BELKA» men «STRELKA», aǵylshyn tilinde «BELKA» men «STRELKA» degen jazý, sondai-aq oqiǵanyń mereitoily datasyn bildiretin «1960-2020» dep ainaldyra jazylǵan jazý bar.
Monetalar:
- kúmis pen tantaldan, massasy 41,4 gramm (saqina – 925/1000 synamaly kúmisten, massasy 14,6 gramm, disk – massasy 26,8 gramm tantaldan), diametri 38,61 mm, «proof» sapasymen, nominaly 500 teńgelik, taralymy 2500 dana;
- MN-25 melhior qospasynan, massasy 15 gramm, diametri 33 mm, «proof-like» sapasymen, nominaly 200 teńge, taralymy 10 000 dana;
- 15-20 neizilber qospasynan, massasy 11,17 gramm, diametri 31 mm, «uncirculated» sapasymen, nominaly 100 teńge, taralymy 100 000 dana.
«SÚNDET TOI» kollektsiialyq monetalar nominaly 500 teńgelik kúmisten, nominaly 100 teńgelik melhior qospasynan jáne nominaly 100 teńgelik neizilber qospasynan jasalǵan «SÚNDET TOI» kollektsiialyq monetalary «Qazaqstannyń salt-dástúrleri, ulttyq oiyndary» monetalar seriiasyn jalǵastyrady.
Súndet toi – qazaqtyń ulttyq salt-dástúrine ainalǵan qazaqtyń ejelgi ádet-ǵurpy. Súndetke otyrǵyzbas buryn bolashaq jigitti atqa otyrǵyzyp, keiin syilyq bergen.
Monetalardyń sipattamasy:
Monetalardyń aversinde oiý-órnek aiasynda Qazaqstan Respýblikasynyń Memlekettik Eltańbasy beinelengen. Ainaldyra latyn grafikasymen memlekettik tilde «QAZAQSTAN RESPÝBLIKASY» jáne aǵylshyn tilinde «REPUBLIC OF KAZAKHSTAN» degen jazý bar. Sol jáne oń sektorlarynda ulttyq oiý-órnek elementteri beinelengen. Tómengi jaǵynda «TEŃGE», monetanyń nominalyn bildiretin kúmis monetada «500» degen san jáne melhior qospasynan jáne neizilber qospasynan daiyndalǵan monetalarda «100» degen san bar.
Monetalardyń reversinde Súndet toi merekelik saltynyń kompozitsiialyq sýreti bar. Monetanyń joǵarǵy bóliginde shańyraqtyń aishyqtalǵan beinesi jáne ulttyq oiý-órnek elementteri, «SUNDET TOI» degen jazý bar. Monetanyń tómengi jaǵynda Qazaqstan Respýblikasy Ulttyq Bankiniń logotipi jáne oiý-órnek qaptalǵan moneta shyǵarylǵan jyl. Monetanyń sol jáne oń jaǵynda kúmisten jasalǵan «Ag 925» jáne «24 g» moneta metalyn, synamasyn jáne salmaǵyn bildiretin jazýlar bar.
Monetalar:
- 925/1000 synamaly kúmisten, massasy 24 gramm, diametri 37 mm, sapasy «proof», nominaly 500 teńge, taralymy 3 500 dana;
- MN 25 melhior qospasynan, salmaǵy 15 gramm, diametri 33 mm, sapasy «brilliant uncirculated», nominaly 100 teńge, taralymy 15 000 dana;
- MNTs 15-20 neizilber qospasynan, salmaǵy 11,17 gramm, diametri 31 mm, sapasy «uncirculated», nominaly 100 teńge, taralymy 100 000 dana.
Monetalar kollektsiialyq quny boiynsha satýǵa arnalǵan. Nominaly 500 teńgelik, 200 teńgelik jáne 100 teńgelik kollektsiialyq monetalar Qazaqstan Respýblikasynyń búkil aýmaǵynda kórsetilgen qunymen tólemniń barlyq túri boiynsha, sondai-aq bank shottaryna esepke alý úshin jáne aýdarym jasaý úshin qabyldanýǵa mindetti, Qazaqstan Respýblikasynyń barlyq bankinde shekteýsiz usaqtalady jáne aiyrbastalady.
Kúmisten daiyndalǵan monetalar kádesyilyq oraýmen shyǵarylady jáne Qazaqstan Respýblikasy Ulttyq bankiniń memlekettik, orys jáne aǵylshyn tilderindegi nómirlik sapa sertifikatymen jabdyqtalǵan. «Proof-like» sapasymen melhior qospasynan jasalǵan monetalar kádesyilyq oraýmen shyǵarylady. «Brilliant uncirculated» daiyndaý sapasymen melhior qospasynan jasalǵan monetalar arnaiy poligrafiialyq oraýmen shyǵarylady.
