© Photo: QR Ulttyq bankiniń baspasóz qyzmeti
Ulttyq banktiń Aqsha-kredit saiasaty komiteti bazalyq mólsherlemeni +/- 1 p.t. dálizimen jyldyq 16,75% deńgeiinde saqtaý týraly sheshim qabyldady, - dep habarlaidy "Ult aqparat" vedomstvonyń baspasóz qyzmetine silteme jasap.
Bul sheshim infliatsiianyń Ulttyq bank boljamdaryna sáikes kelýine bailanysty qabyldanǵan.
"Ishki jáne syrtqy infliatsiialyq protsester dinamikasy, sondai-aq ekonomikalyq ósý traektoriiasy Ulttyq Bank boljamynyń bazalyq stsenariiine sáikes qalyptasyp jatyr. Ailyq infliatsiia birtindep baiaýlap keledi, biraq ol óziniń ortasha jyldyq mánderinen joǵary kúiinde qalyp otyr. Infliatsiialyq táýekelderdiń balansy proinfliatsiialyq kúiin saqtap qaldy, sebebi infliatsiianyń ornyqty bóligi joǵary qalyptasyp, infliatsiialyq kútýler qarqyn aldy. Logistikalyq tizbekterdiń qurylymdyq ózgerýi ekonomikaǵa teris yqpalyn tigizip keledi. Saqtalyp otyrǵan táýekelder bazalyq mólsherlemeni uzaq ýaqyt ishinde aǵymdaǵy mánderde ustap turýdy talap etedi.
Infliatsiia Ulttyq Banktiń kútýlerine sáikes qalyptasyp otyr. Ailyq infliatsiia dinamikasy úsh ai qatarynan baiaýlaýdy kórsetip, 2022 jylǵy qyrkúiektegi 1,8%-dan jeltoqsanda 1,2%-ǵa deiin tómendedi. Kórsetkishtiń tómendeýine qaramastan, ol ortasha jyldyq mánderden aitarlyqtai asyp (sońǵy 5 jyl ishinde ortasha alǵanda jeltoqsanda – 0,7%), joǵary qalpynda qaldy" - delingen habarlamada.
Vedomstvo málimetinshe, 2022 jyldyń qorytyndysy boiynsha, infliatsiianyń jyldyq máni 20-21% boljamdy mán aralyǵynda qalyptasyp, 20,3%-dy qurady. Jyldyq infliatsiia quramynda azyq-túlik taýarlary men azyq-túlikke jatpaityn taýarlar baǵasy eń joǵary ósimdi kórsetken. Aqyly qyzmetter infliatsiiasy ózgerissiz qaldy, oǵan turǵyn úidi jaldaý qunynyń tómendeýi men retteletin qyzmetter baǵasynyń baiaý ósýi áser etip otyr. Sonymen qatar, infliatsiianyń ornyqty bóligi proinfliatsiialyq ortanyń saqtalýyn kórsetti jáne burynǵysynsha joǵary qalpynda qaldy.
"Infliatsiialyq kútýler de qarqyn aldy. Olardyń máni jeltoqsanda 21,3%-dy qurap, saýalnama júrgizilgen sátten bastap eń joǵary kórsetkishterdi jańartty. Halyq tarapynan infliatsiialyq kútýlerdiń ósýi azyq-túlik baǵasynyń ózgerýimen, syrtqy oqiǵalarmen jáne janar-jaǵarmai baǵasynyń ózgerýimen bailanysty. Infliatsiialyq kútýlerdiń joǵary jáne turaqsyz bolýy infliatsiianyń bolashaqta tez ósýine jáne onyń baiaýlap tómendeýine sebep bolýy múmkin.
Syrtqy baǵalar jalpy bazalyq stsenarii sharttaryna sáikes qalyptasyp otyr. Aldyńǵy sheshimniń ritorikasyna sáikes, syrtqy infliatsiialyq orta álsireýde. Aqsha-kredit talaptaryn barlyq jerde kúsheitý áserinen kóptegen elderde, onyń ishinde bizdiń saýda seriktesimiz sanalatyn memleketterde infliatsiialyq protsester baiaýlai bastaidy. Bul azyq-túliktiń álemdik baǵasynyń birtindep tómendeýimen qatar Qazaqstandaǵy infliatsiiaǵa da áserin azaitady. Munai baǵasy bazalyq stsenarii boiynsha 2023 jylǵa barreline ortasha eseppen boljanǵan 90 AQSh dollary deńgeiinen sál tómen qalyptasyp otyr.
Ekonomikanyń ósý traektoriiasy Ulttyq Bank baǵalaýynyń joǵarǵy shegine jaqyn qalyptasty. Qazaqstan Respýblikasy Strategiialyq josparlaý jáne reformalar agenttigi Ulttyq statistika biýrosynyń aldyn ala baǵalaýyna sáikes 2022 jylǵy qańtar-jeltoqsanda JIÓ-niń ósýi 3,1%-dy qurady. Tutyný importynyń ósimi, bólshek taýar ainalymynyń turaqty dinamikasy men tutynýshylyq kreditteý kóleminiń artýy baiqalady" - delingen UB habarlamasynda.
Proinfliatsiialyq táýekelder de saqtalyp otyr. Infliatsiianyń negizgi táýekelderi – infliatsiialyq kútýler joǵary jáne turaqsyz bolǵan kezde saýda qurylymynyń ózgerisi, joǵary azyq-túlik infliatsiiasynyń saqtalýy, ákimshilik retteý kezeńinen keiin retteletin taýarlar men kórsetiletin qyzmetterge infliatsiianyń artýy, sondai-aq jalǵasyp jatqan soǵysqa qatysty belgisizdiktiń joǵary bolýy. Álemdegi retsessiia táýekelderiniń aiasyndaǵy syrtqy suranys ahýaly, sondai-aq logistikalyq jaǵdailar munai baǵasynyń traektoriiasyna jáne ekonomikalyq ósýge qatysty aitarlyqtai belgisizdik týyndatady.
"Is júzindegi infliatsiianyń bazalyq stsenariige sáikes qalyptasýyn eskerip, qalyptasqan táýekelder balansyn nazarǵa alyp, Ulttyq Bank bazalyq mólsherlemeni kóterý tsiklin aiaqtap qalýǵa jaqyndaǵanyn jariia etken óz málimdemesinde qalady. Bazalyq mólsherlemeni odan ári kóterý áleýeti shekteýli. Sonymen qatar, saqtalyp otyrǵan proinfliatsiialyq táýekelderdi eskere otyryp, infliatsiiany kútýdiń joǵary deńgeide turaqtalýynyń aldyn alý úshin bazalyq mólsherlemeni uzaq ýaqyt boiy aǵymdaǵy mánderde ustap turý qajet.
Bazalyq mólsherleme jóninde kelesi sheshimdi qabyldaǵan kezde 2023 jylǵy aqpandaǵy raýnd nátijesi boiynsha jańartylǵan boljam usynylady" - delingen resmi habarlamada.
Qazaqstan Respýblikasy Ulttyq Banki Aqsha-kredit saiasaty komitetiniń bazalyq mólsherleme boiynsha kezekti josparly sheshimi 2023 jylǵy 24 aqpanda Astana qalasynyń ýaqyty boiynsha saǵat 12:00-de jariialanbaq.
