«Baspana hit» ipotekalyq nesieleý baǵdarlamasyna ózgeris engizildi. Endi baǵdarlamaǵa úlestik qurylys kiredi, salynyp jatqan turǵyn úidi satyp alýǵa ruqsat etiledi, satyp alynǵan turǵyn úidiń shekti quny kóterildi, dep habarlaidy "Ult aqparat".
Qazaqstan Respýblikasy Prezidentiniń 2018 jylǵy 10 qańtardaǵy «Tórtinshi ónerkásiptik revoliýtsiia jaǵdaiyndaǵy damýdyń jańa múmkindikteri» atty Qazaqstan halqyna Joldaýynda aitylǵan jáne Elbasy N. Nazarbaevtyń biznesti uzaq merzimdi nesieleýmen qamtamasyz etý tapsyrmasyn iske asyrý sheńberinde, sondai-aq Memleket basshysy Q.Toqaevtyń 2020 jylǵy 1 qyrkúiektegi «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynda málimdelgen ekonomikanyń naqty sektorlaryn kreditteý qajettigi týraly tapsyrmasyn iske asyrý maqsatynda, Qazaqstan Ulttyq Banki Basqarmanyń «Turǵyn úi naryǵynda uzaq merzimdi kreditteýdi yntalandyrý tásilderi» qaýlysyna ózgerister engizdi.
Tásilderdiń negizgi mindetteri ekonomikany uzaq merzimdi banktik kreditteýdi keńeitý, turǵyn úi naryǵynda uzaq merzimdi nesieleýdi jandandyrý, halyqtyń ártúrli toptary úshin turǵyn úi ipotekasynyń qoljetimdiligin arttyrý. Bul «Qazaqstannyń ornyqtylyq qory» AQ operatory «Baspana Hit» naryqtyq ipotekalyq ónim arqyly júzege asyrylady.
«Baspana Hit» ipotekanyń utymdy talaptaryn usynady. Jyldyq nominaldy syiaqy mólsherlemesi banktik qaryz sharty jasalǵan kúnine «bazalyq mólsherleme + 175 bazistik tarmaq» formýlasy boiynsha aiqyndalady jáne qaryz merzimi ishinde ózgermeidi. Bastapqy jarna – 20%-dan bastap, qaryz merzimi –15 jylǵa deiin. «Baspana Hit» boiynsha bastapqy turǵyn úiden basqa qaitalama naryqta da baspana satyp alýǵa bolady. Sondai-aq, turǵyn úidiń bolmaýy boiynsha talap qoiylmaidy.
«Baspana Hit» baǵdarlamasy sheńberinde 2020 jylǵy 26 qazandaǵy jaǵdai boiynsha 388,1 mlrd teńgege 44 228 ótinim maquldandy, onyń ishinde 306,8 mlrd teńge
«Baspana Hitti» iske asyrý barysynda azamattardyń ótinishteri men bankterdiń, qurylys salýshylardyń jáne qoǵamdyq birlestikterdiń usynystary taldandy, olardyń negizinde Qazaqstan Ulttyq Banki 2020 jylǵy qyrkúiekte turǵyn úidiń qoljetimdiligin arttyrýǵa jáne bastapqy turǵyn úige suranysty kóbeitýge baǵyttalǵan túzetýlerdi bekitti.
Qaýlyda mynalar kózdeledi:
- Nur-Sultan, Almaty qalalarynda bastapqy naryqta satyp alynatyn turǵyn úidiń eń joǵary qunynyń limitin 25 mln teńgeden 35 mln teńgege deiin ulǵaitý;
- bastapqy jáne qaitalama naryqtarda satyp alynatyn turǵyn úidiń eń joǵary qunynyń limitin Shymkent qalasynda 25 mln teńgege deiin, Qaraǵandy qalasynda 20 mln teńgege deiin ulǵaitý;
- salynyp jatqan turǵyn úidi úlestik qatysý sheńberinde satyp alý múmkindigi. Bul baǵyttaǵy kreditteý «Turǵyn úi qurylysyna úlestik qatysý týraly» QR Zańyna sáikes iske asyrylatyn bolady.
«Baspana Hit» baǵdarlamasynyń klientteri qazirden bastap jańa shekti baǵalarmen ipoteka rásimdei alady. Al úlestik qatysý sheńberinde salynyp jatqan turǵyn úidi satyp alýǵa nesie berýdi bastaý úshin baǵdarlama operatory seriktes banktermen birge daiyndyq jumystaryn júrgizýde. Salynyp jatqan turǵyn úige nesie berýdiń bastalýy týraly keiinirek habarlanady.
