Ulttyq Bank aiyrbastaý pýnkterinde jáne ekinshi deńgeili bankterde qolma-qol dollardy satýǵa nemese shyǵaryp alýǵa shekteý qoiýǵa qatysty saýaldardyń kóptep túsýine bailanysty Qazaqstan Respýblikasynda sheteldik valiýtadaǵy operatsiialarǵa shekteý engizý týraly qaýly nemese basqa da zańǵa táýeldi aktiler qabyldamaǵanyn habarlady.
«Qolma-qol shetel valiýtasyn shyǵarý kezinde týyndaǵan qiyndyqtar, eń aldymen, halyq tarapynan suranystyń ósýine, sondai-aq shieleniske toly geosaiasi jaǵdai aiasynda Qazaqstanǵa basqa elderden qolma-qol shetel valiýtasyn jetkizýdegi logistikalyq kedergilerge bailanysty týyndap otyr.
Qazirgi jaǵdaidy eskere otyryp, Ulttyq Bank AQSh-tyń ortalyq banki - Federaldyq rezervtik júieden qolma-qol shetel valiýtasynyń qosymsha kólemin jetkizý amaldaryn qarastyryp jatyr. Sondai-aq, bizde qolma-qol aqshany kólik kompaniialarymen óz ýaqytynda jetkizýdi qamtamasyz etý úshin barlyq qajetti kelisimder bar ekenin habarlaimyz», - dedi banktiń baspasóz qyzmeti.
