Qazaqstan Ulttyq banki Nur-Sultan qalasyna kóshirildi, dep habarlaidy banktiń baspasóz qyzmeti.
«QR Prezidenti Qasym-Jomart Toqaevtiń 2020 jylǵy 10 sáýirdegi №304 Jarlyǵyna sáikes, Qazaqstan Ulttyq banki 2020 jyldyń 1 shildesine deiin astanaǵa kóshirildi. Ulttyq banktiń jańa mekenjaiy - Nur-Sultan qalasy, Máńgilik El kóshesi, 57 A», - delingen habarlamada.
Memleket basshysynyń tapsyrmasymen, Qazaqstannyń qarjy ortalyǵy – Almaty qalasyndaǵy Áiteke bi, 67 mekenjaiynda Ulttyq banktiń turaqty ókildigi ashyldy. Onyń basshysy - Ulttyq bank tóraǵasynyń orynbasary Dina Ǵalieva.
Ókildik QR Qarjy naryǵyn retteý jáne damytý agenttigi, Qazaqstan qarjygerleri qaýymdastyǵy, qarjy naryǵynyń sýbektileri jáne halyqaralyq qarjy institýttarymen tyǵyz ózara árekettestikti jalǵastyrady.
