Qazaqstan Ulttyq banki «Kúltegin» túrki jazba eskertkishine arnalǵan nominaly 1000 teńgelik banknottyń zańdy tólem quraly bolyp qala beretinin eske salady, dep habarlaidy "Ult aqparat".
«Ony banktik operatsiialar men aýdarymdar boiynsha barlyq tólemderde qabyldaýǵa mindetti. Bul banknot «Qazposhta» AQ bólimsheleri men barlyq bankte aiyrbastalyp, esh shekteýsiz qabyldanady», - delingen habarlamada.
«Kúltegin» túrki jazba eskertkishine arnalǵan nominaly 1000 teńgelik banknot 2013 jyldyń sońynda 20 mln dana taralymmen ainalymǵa shyqty. Bul banknottar tabiǵi tozý shamasyna qarai ainalymnan alynady.
«Eger kásipkerler bul banknotty qabyldaýdan bas tartsa, ÁQK-nyń 206-babyna sáikes eskertý jasalady. Ákimshilik jaza qoldanylǵannan keiin bir jyl ishinde qaitalanǵan jaǵdaida – 5-ten 25 ailyq eseptik kórsetkishke deiin aiyppul salynady.
Osy banknotty qabyldaýdan bas tartqan jaǵdaida tiisti sharalar qabyldaý úshin Ulttyq banktiń aýmaqtyq filialyna ótinish jasaý qajet. Odan buryn faktini beinetaspaǵa jazyp alýdy nemese banknotty qabyldaýdan bas tartatyny týraly jazbasha negizdeme talap etýdi usynamyz, - delingen bank habarlamasynda.
