Ulttyq aýdarma biýrosynyń aýdarmashylary men redaktorlary 30 qyrkúiek – Halyqaralyq aýdarmashylar kúnine orai QR Memlekettik hatshysy men QR Aqparat jáne qoǵamdyq damý ministriniń alǵys hattarymen marapattaldy.
2017 jyly BUU-nyń 71-sessiiasynda aýdarma isi mamandarynyń túsinistik pen beibitshilikti nyǵaitýǵa, mádeni qarym-qatynas negizindegi adamzat damýyna qosatyn úlesi týraly arnaiy qarar qabyldap, 30 qyrkúiek Halyqaralyq aýdarmashylar kúni dep jariialandy.
«Ulttyq aýdarma biýrosy» qoǵamdyq qory – aýqymdy aýdarma jobalaryn júzege asyrýshy, iri ǵylymi jáne kórkem aýdarma jumystaryn úilestirýshi qoǵamdyq uiym. Biýroda tájiribeli aýdarmashylar, tilshiler men ádebietshiler ortasynan iriktelgen redaktorlar, aldyńǵy qatarly oqý oryndarynyń ǵalymdary, jalpy sany 300-den asa maman jumys isteidi. Aýdarmashy mamandar negizinen aǵylshyn tilinen qazaq tiline tikelei aýdarma jasaidy.
Ulttyq aýdarma biýrosy 2017 jyldan beri birqatar aýqymdy aýdarma jobalaryn úilestirip keledi. «Rýhani jańǵyrý» baǵdarlamasynyń «Jańa gýmanitarlyq bilim. Qazaq tilindegi 100 jańa oqýlyq» jobasy aiasynda gýmanitarlyq bilimniń barlyq baǵyttary boiynsha álemdegi eń úzdik degen 77 oqýlyǵy túrli tilderden qazaq tiline aýdaryldy.
«Jahandaǵy zamanaýi qazaqstandyq mádeniet» jobasy aiasynda qazirgi qazaq ádebieti antologiialary BUU-nyń 6 tiline aýdaryldy. 60 qazaqstandyq avtordyń shyǵarmalary 5 qurlyqtaǵy 90-nan asa eldiń kitaphanalary men ǵylymi ortalyqtaryna jetkizildi.
Biyl Abai Qunanbaiulynyń 175 jyldyq mereitoiy aiasynda QR Prezidenti Qasym-Jomart Toqaevtyń bastamasymen uly aqyn, oishyl, aǵartýshy shyǵarmalary álemniń 10 tiline aýdaryldy. Joba «Ulttyq aýdarma biýrosy» qoǵamdyq qorynyń úilestirýimen júzege asty.
Sonymen qatar, Ulttyq aýdarma biýrosy balalar psihologiiasyna arnalǵan álemdik bestsellerlerdi qazaqshalap, pedagog-psiholog mamandardyń kitaphanasyn da jańa kitaptarmen tolyqtyrdy. Jalpy aýdarma biýrosynda 2019 jyldan búginge deiin 124 ataý kitap aýdarylyp basyldy.
Biýro osy salaǵa mamandanǵan iri halyqaralyq uiymdarymen tyǵyz qarym-qatynas ornatty.
QR Memlekettik Hatshysynyń alǵys hatymen marapattalǵan mamandar tizimi:
- Sybanbai Sáken Ábdiǵapparuly, redaktor
- Esei Jeńisuly, redaktor, aqyn
- Quranbek Áset Abaiuly, filosofiia ǵylymdarynyń kandidaty
- Muhamadiev Dáýren Baqdáýletuly, filologiia ǵylymdarynyń kandidaty
- Úrkinbaev Serik Joldasbaiuly, redaktor, filolog
- Úrila Kenesbaeva, aýdarmashy
- Tasbolat Asyltai Ǵalymuly, dintaný magistri
- Iskakov Erlan Nurlanuly, aýdarmashy, memlekettik saiasat magistri
- Joldasbaeva Gúljahan Saýqymqyzy, aýdarmashy
QR Aqparat jáne qoǵamdyq damý ministriniń alǵys hatymen marapattalǵan mamandar tizimi:
- Bashbaeva Záýresh Karbozqyzy, redaktor
- Aitbaeva Aigúlim Boranǵaliqyzy, pedagogika ǵylymdarynyń kandidaty
- Tabyn Gúlzat Nurmoldaqyzy, redaktor, jýrnalist
- Tájquran Nurgúl Erlanqyzy, aýdarmashy, áleýmettik ǵylymdar magistri
- Álish Aqpanbet Rahmanuly, redaktor, aqyn
- Nurdáýlet Omarbek, redaktor
- Ryskieva Aiymjan Ábýqyzy, filosofiia ǵylymdarynyń kandidaty
- Bisenbaeva Móldir Ǵabitqyzy, redaktor
Ulttyq aýdarma biýrosynyń baspasóz ortalyǵy
