Búgin «Qazaqstan» Ulttyq arnasynda «1 stýdiia» saiasi tok-shoýynyń tusaýy kesildi. Habardyń alǵashqy sany ulttyń uiysýyna, rýhani jańǵyrýyna arnaldy.
Habar barysynda memlekettik ideologiiany anyqtaityn, qazaq qoǵamyn rýhani jańǵyrtýǵa baǵyttalǵan Elbasy Nursultan Nazarbaevtyń baǵdarlamaly maqalasynyń eń ózekti tustary talqyǵa salyndy.
Tok-shoýdyń búgingi qonaqtary: QR Parlamenti Senatynyń depýtaty Darhan Qaletaev, saiasat ker, qoǵam qairatkeri Ámirjan Qosanov, «Atameken» Ulttyq kásipkerler palatasynyń basqarma tóraǵasy Abylai Myrzahmetov, saiasattanýshy Aidos Sarym.
Stýdiiaǵa oi bólisýge kelgen qonaqtardyń biri depýtat Darhan Qaletaev Elbasynyń maqalasy biylǵy Joldaýdyń rýhani, saiasi jalǵasy ekenin aitady.
«Bul Elbasynyń kópten beri túrli jiyndarda aityp júrgen máseleleri. Sonyń bas-aiaǵyn jinaqtap maqala retinde berdi. Bul óte durys, sebebi, maqalanyń ár suraǵynda astar bar. Sony túsinip oqý kerek. Elbasy munda alty baǵytqa toqtalǵan. Meniń oiymsha, bul ásirese, jastarǵa uǵynyqty baǵyttar»,-deidi depýtat.
