«Astana Operanyń» jetekshi solisi, Qazaqstannyń eńbek sińirgen qairatkeri Saltanat Ahmetova 27 sáýir kúni «Karantindegi juldyz» jobasy aiasynda onlain kontsert beredi, dep habarlaidy atalǵan teatrdyń baspasóz qyzmeti.
Aýqymdy baǵdarlamaǵa jiyrmadan astam týyndy engen, ánshiniń sózinshe, olardyń barlyǵy janǵa jaqyn ári súiikti ánder. Saltanat Ahmetova jeke kontsertiniń daiyndyǵyna eki aptadai ýaqyt ketkendigin aitty.
Kesh shymyldyǵyn qazaqtyń halyq ánderi «Aqbaian», «Dýdarai», «Dedim-ai aý» ashsa, romans súier qaýym úshin N.Zýbovtyń «Ne ýhodi, pobýd so mnoiý», «Jestokii romans» kinofilminen A.Petrovtyń «A naposledok ia skajý», «Liýbov prekrasnaia strana», B.Fominniń «Tolko raz» jáne t.b. barshanyń súiikti ánderi shyrqalady. Sheteldik kompozitorlardyń shyǵarmashylyǵy O.Farres-tiń «Quizas, Quizas, Quizas», T.Ferro-nyń «Mi sono innamorato di te», A.C.Jobim-niń «The girl from Ipanema» jáne t.b. keremet kompozitsiialarmen usynylǵan.
Ataqty vokaliske QR Memlekettik Kúzet Qyzmeti prezidenttik orkestriniń solisteri, aspapshy-dostary – respýblikalyq baiqaýlardyń laýreaty Jánibek Saparov (gitara) pen QR Tuńǵysh Prezidenti – Elbasy Qory Syilyǵynyń laýreaty, óner magistri, respýblikalyq jáne halyqaralyq baiqaýlardyń laýreaty Jibek Saparǵalieva (fleita) qoldaý kórsetpek. Olardyń oryndaýynda qazaqtyń halyq ánderi «Bir bala», «Iapýrai», sonymen qatar M.Petrenkonyń «Vals», «Beregis avtomobilia» kinofilminen A.Petrovtyń áýeni, A.Piatstsollanyń «Libertango» shyǵarmalary jáne t.b. shyrqalmaq.
Saltanat Ahmetovanyń Italiiadaǵy Vokaldyq óner akademiiasynda (Accademia d’Arte Lirica, Ozimo q., 2009) mashyqtanýdan ótkenin atap ótken jón. Ánshi Vinchentso De Vivo, Serdjio Segalini, Alberto Dzedda, Djanni Tangýchchi, Kristina Mýti, Raina Kabaivanska, Lella Kýberli, Ýiliam Matteýtsi, Silviia Sash, Antonio Iývarra, Stefano Demikeli, Harriet Loýson, Karlo Morganti syndy ataqty maestrolardyń sheberlik sabaqtarynan tálim alǵan.
