Baqytjan Saǵyntaev esep berý kezdesýinde Úlken Almaty jaǵalaýy abattandyrylatynyn aitty, dep habarlaidy "Ult aqparat".
Qalada ózender mańyzdy ról atqaratyndyqtan, Kishi Almaty jáne Esentai ózenderiniń arnasyn nyǵaitý jumysy júrgizilýde.
Sondai-aq, abattandyrý boiynsha azamattardyń barlyq sanattary úshin serýendeý, bos ýaqyt úshin qolaily orta qurý jumysy qarastyrylyp jatyr.
«Biyl jaiaý júrginshiler aimaǵyn tazartý, dýaldar men qorshaýlardy durys jasaý, ál-Farabiden Sairanǵa deiin serýendeý aimaǵy jetkilikti úlken bolýy úshin jaryqtandyrý jobasyn jasaýdy josparlap otyrmyz», - dep atap ótti ákim.
Onyń aitýynsha, Úlken Almaty jaǵalaýy abattandyrylady.
Qazirgi ýaqytta selden qorǵaý bógetinen Sairan kóline deiin ózendi jailastyrý jobasy ázirlenip jatyr.
Osylaisha, taýlardy, Tuńǵysh Prezident saiabaǵy men Sairan kólin ózara bailanystyra otyryp, jasyl dálizdi qalpyna keltirýge, jeldetýge arnalǵan dálizdi qamtamasyz etýge jáne inkliýzivti qaýipsiz orta qurýǵa múmkindik bolady.
Abattandyrý jumysy kelesi jyly bastalady. Jobalaý-smetalyq qujattamany ázirleýdi aiaqtaý merzimi - 2021 jylǵy jeltoqsan.
