Nur-Sultan qalasynda úleskerlerdiń qatysýymen turǵyn úi salýǵa ruqsat alǵan kompaniialardyń jańartylǵan tizimi jariialandy, dep habarlaidy "Ult aqparat".
Málim etilgendei, jyl basynan beri qalalyq Sáýlet, qala qurylysy jáne jer qatynastary basqarmasy úleskerlerdiń aqshasyn tartý arqyly turǵyn úi salýǵa 21 ruqsattama bergen. Ruqsattama alǵan kompaniialar týraly jańa málimetti basqarmanyń saitynan kórýge bolady.
«11 qurylys kompaniiasy kópqabatty úidiń qańqasy salynǵannan keiin úleskerlerden aqsha jinaýǵa ruqsat aldy. Al 10 kompaniia – ekinshi deńgeili bank jobasyna qatysý boiynsha», - dedi elorda ákimdiginen.
Eske sala keteiik, «Turǵyn úi qurylysyna ortaq qatysý týraly» QR Zańyna sáikes úlestik qatysý kelesi tásilderdiń birimen uiymdastyrylady:
1. Kepildik berý qorynyń kepildigin alý
2. Ekinshi deńgeili bank jobasyna qatysý
3. Turǵyn úidiń qańqasyn turǵyzǵannan keiin úleskerlerden aqsha jinaý.
Úlestik qurylystyń áleýetti qatysýshysy (satyp alýshysy) úleskerlerden qarajat tartýǵa arnalǵan ruqsattardyń bolýyn tekserýge jáne Sáýlet, qala qurylysy jáne jer qatynastary basqarmasymen keńesýge quqyly.
