Qazaqstan Prezidenti Ujymdyq qaýipsizdik shart uiymy Ujymdyq qaýipsizdik keńesiniń shaǵyn quramdaǵy sessiiasyna qatysty, dep habarlaidy "Ult aqparat".
Jiynǵa Belarýs Respýblikasynyń Prezidenti A.Lýkashenko, Qyrǵyz Respýblikasynyń Prezidenti S.Jeenbekov, Resei Federatsiiasynyń Prezidenti V.Pýtin, Tájikstan Respýblikasynyń Prezidenti E.Rahmon, Armeniia Respýblikasy Premer-Ministriniń mindetin atqarýshy N.Pashinian jáne osy uiymnyń Bas hatshysy mindetin atqarýshy V.Semerikov qatysty.
Keńes músheleri halyqaralyq jáne óńirlik qaýipsizdik problemalaryn, Ujymdyq qaýipsizdik shart uiymyna múshe memleketterdiń osy uiym aiasyndaǵy jáne halyqaralyq arenadaǵy yqpaldastyq máselelerin talqylady.
Memleket basshysy Ujymdyq qaýipsizdik keńesiniń barlyq múshelerine sessiiaǵa qatysqany úshin rizashylyq bildirip, jumys tártibi jóninde aitty.
Nursultan Nazarbaev otyrysta Qazaqstannyń Ujymdyq qaýipsizdik shart uiymyna 2018 jylǵy tóraǵalyǵy qorytyndylanyp, oǵan múshe memleketterdiń ujymdyq qaýipsizdigin qamtamasyz etýdiń ózekti máseleleri talqylanatynyn atap ótti.
Sonymen qatar, Keńes músheleri kún tártibindegi halyqaralyq máseleler jáne Ujymdyq qaýipsizdik shart uiymy aiasynda ózara is-qimyldy odan ári nyǵaitý jóninde pikir almasatyn bolady.
Sessiiada Qyrǵyzstannyń kelesi sessiiaaralyq kezeńdegi tóraǵalyǵynyń basymdyqtary da sóz bolady.
