14 mamyrda Týrinde Eurovision án baiqaýynyń finaly ótti. Onda ýkrainalyq Kalush Orchestra etno-rep toby jeńiske jetti, - dep habarlaidy Tengrinews.kz agenttigi The Flow saityna silteme jasap.
Qazylar alqasy daýsynyń nátijesi boiynsha Ýkraina tórtinshi orynda bolǵan, biraq sodan keiin halyq daýysynyń kórsetkishteri jariialanyp, Kalush Orchestra týrnir kestesinde úlken basymdyqpen birinshi orynǵa shyqqan, Kórermender topqa múmkin bolǵan 480 upaidyń 439-yn bergen. Top 631 upai jinady.
Kalush Orchestra baiqaýda Stefania ánin shyrqady. Bul - top frontmeni Oleg Psiýktiń anasyna arnaý.
Ekinshi oryndy Ulybritaniia aldy, onyń enshisinde 466 upai bar. Bul elden ánshi Sem Raider óner kórsetti, ol Space Man ("Ǵarysh adamy") ánin oryndady.
Úshinshi oryndy SloMo ("Baiaý túsirilim") ánimen shyqqan ispaniialyq ánshi Shanel ielendi.
Kalush Orchestra - ýkraindyq Enko rep-leibliniń rezidentteri. Onyń negizin Alyona Alyona men prodiýser Ivan Klimenko (Salta Nazad) salǵan.
Bul top Eurovision baiqaýyna qatyspaýy kerek edi. Ýkrainalyq irikteýde olar rep-estetika men folklordy úilestiretin Alina Pashtan jeńilip, ekinshi oryn alǵan. Biraq Pash keiinnen Qyrymǵa barǵany úshin halyqaralyq baiqaýǵa jiberilmegen.
