14 مامىردا تۋريندە Eurovision ەن بايقاۋىنىڭ فينالى ٶتتٸ. وندا ۋكراينالىق Kalush Orchestra ەتنو-رەپ توبى جەڭٸسكە جەتتٸ, - دەپ حابارلايدى Tengrinews.kz اگەنتتٸگٸ The Flow سايتىنا سٸلتەمە جاساپ.
قازىلار القاسى داۋسىنىڭ نەتيجەسٸ بويىنشا ۋكراينا تٶرتٸنشٸ ورىندا بولعان, بٸراق سودان كەيٸن حالىق داۋىسىنىڭ كٶرسەتكٸشتەرٸ جارييالانىپ, Kalush Orchestra تۋرنير كەستەسٸندە ٷلكەن باسىمدىقپەن بٸرٸنشٸ ورىنعا شىققان, كٶرەرمەندەر توپقا مٷمكٸن بولعان 480 ۇپايدىڭ 439-ىن بەرگەن. توپ 631 ۇپاي جينادى.
Kalush Orchestra بايقاۋدا Stefania ەنٸن شىرقادى. بۇل - توپ فرونتمەنٸ ولەگ پسيۋكتٸڭ اناسىنا ارناۋ.
ەكٸنشٸ ورىندى ۇلىبريتانييا الدى, ونىڭ ەنشٸسٸندە 466 ۇپاي بار. بۇل ەلدەن ەنشٸ سەم رايدەر ٶنەر كٶرسەتتٸ, ول Space Man ("عارىش ادامى") ەنٸن ورىندادى.
ٷشٸنشٸ ورىندى SloMo ("باياۋ تٷسٸرٸلٸم") ەنٸمەن شىققان يسپانييالىق ەنشٸ شانەل يەلەندٸ.
Kalush Orchestra - ۋكرايندىق Enko رەپ-لەيبلٸنٸڭ رەزيدەنتتەرٸ. ونىڭ نەگٸزٸن Alyona Alyona مەن پروديۋسەر يۆان كليمەنكو (سالتا نازاد) سالعان.
بۇل توپ Eurovision بايقاۋىنا قاتىسپاۋى كەرەك ەدٸ. ۋكراينالىق ٸرٸكتەۋدە ولار رەپ-ەستەتيكا مەن فولكلوردى ٷيلەستٸرەتٸن الينا پاشتان جەڭٸلٸپ, ەكٸنشٸ ورىن العان. بٸراق پاش كەيٸننەن قىرىمعا بارعانى ٷشٸن حالىقارالىق بايقاۋعا جٸبەرٸلمەگەن.
