Ýkrainaǵa birneshe baǵyttan shabýyl údei tústi. Zelenskii Batysty synady, - dep habarlaidy Tengrinews.kz.
"Búginge deiin osy qyrǵynnyń núktesin qoiyp, batyl qadam jasai alatyndar boldy, olar áli de bar, biraq, únsiz otyr. 2014 jyldyń 24 mamyrynan bastap búginge deiin talai múmkindik boldy. Resei Ýkrainaǵa jáne EO-ǵa qarsy jasaǵan is-áreketteriniń zardabyn tartýy kerek ekeni aitylmai keledi", - dedi Ýkraina prezidenti Vladimir Zelenskii óziniń beinejoldaýynda.
Ol Reseige qarsy sanktsiialardyń altynshy paketin uzaq ýaqyt boiy sheshe almaǵan EO-ny synǵa aldy.
"Ýkraina soǵystyń barysyn ózgertip, basqynshylardy qýyp shyǵarý úshin qajet qarý-jaraqtyń barlyq túrin alyp jatqan joq, soǵys arsenalyn kútip júrgenimizge kóp boldy. Olar Resei shekarasyna jaqyn qalalarda, Donetskide, Lýganskide qaza tapqandar men jaralanǵandardyń ornyn toltyrý úshin barlyǵyn sonda jinap jatyr", - dep tolyqtyrdy Zelenskii.
