Foto: QR SIM baspasóz qyzmeti
Qazaqstannyń Syrtqy ister ministrligi Qytaidyń Ýkraina daǵdarysyna qatysty ustanymy boiynsha málimdeme jasady, dep habarlaidy "Ult aqparat" vedomstvonyń baspasóz qyzmetine silteme jasap.
SIM málimetinshe, Qazaqstan Respýblikasy ýkrainalyq daǵdarysty saiasi retteý boiynsha Qytai Halyq Respýblikasynyń ustanymyn quptai otyryp, Birikken Ulttar Uiymynyń qaǵidattary negizinde memlekettiń aýmaqtyq tutastyǵy, táýelsizdigi jáne egemendigi negizinde qantógisti toqtatýǵa kómektesý retinde qoldaýǵa laiyq ekenin bildiredi.
"Biz bul máseleni tek halyqaralyq quqyq pen BUU qaǵidattary negizinde beibit jolymen sheshýge balama joq dep sanaimyz. Biz áskeri qaqtyǵysqa qatysýshy taraptardyń izgi niet tanytýyn, urys-qaqtyǵysty toqtatyp, kelissóz ústeline otyrýyn, al álemdik qoǵamdastyqtyń jaǵdaidy barynsha diplomatiialyq jolmen sheshýge úles qosýyn jaqtaimyz", - delingen habarlamada.
Sonymen qatar, Qazaqstan Qytai Halyq Respýblikasynyń Jahandyq qaýipsizdik bastamasynyń tujyrymdamasynda aiqyndalǵan bizdiń memleketterimizdiń búgingi tańdaǵy ózekti máselelerdi sheshýiniń uqsastyǵyn atap ótedi.
