Ýkrainada áskeri rejim engizilgende, týristik agenttikterde suranys qysqa merzimge tómendedi. Alaida qazaqstandyqtar úshin shetelde demalý baǵasy ózgergen joq. Mundai pikirdi «Khan Turan Travel» týristik kompaniiasynyń direktory Muniram Ahmetova bildirdi, dep habarlaidy QazAqparat.
«Ýkrainadaǵy jaǵdai Qazaqstan azamattarynyń shetelde demalýyna aitarlyqtai áser etken joq. Baǵasy da burynǵysha. Basynda sál kidirister boldy. Sodan keiin bári qaita qalpyna tústi», - dedi týristik kompaniia ókili.
Sonymen qatar ol qysta belgili bir jeńildikter kezinde kóp bilet satylyp ketkenin atap ótti. Jazǵa qarai jeńildikter azaiady.
Qazaqstandyqtar kóbine Túrkiia, Egipet, BAÁ- ne baryp dem alatyn kórinedi.
«Ýkrainadaǵy jaǵdaiǵa bailanysty ushyp-qonýda másele týyndady dep aita alamyz. Ushý ýaqyty uzardy, óitkeni bul eldi ainalyp ótý kerek bolady. Mysaly, eger biz buryn dittegen jerimizge 5 saǵatta ushyp barsaq, qazir 7 saǵat ushamyz», - dep qosty Ahmetova.
