Baiqońyr qalasynyń arnaiy ókildigi Ýkrainamen soǵysqa qatysqany úshin beriletin tólemder týraly aqparatqa qatysty túsinikteme berdi, - dep habarlaidy "Ult aqparat" stopfake.kz saityna silteme jasap.
Áleýmettik jelilerde Baiqońyr kesheni qalalyq prokýratýrasynyń atynan, qalada turatyn jumyldyrylǵan azamattarǵa, sondai-aq Ýkrainamen soǵysqa óz erkimen qatysýǵa niet bildirgenderge 260 myń rýbl aqshalai tólem jasalatyndyǵy týraly aqparat taraǵan.
Aqparatqa QR Prezidentiniń "Baiqońyr" keshenindegi arnaiy ókiliniń qyzmetin qamtamasyz etý basqarmasynda túsinikteme berildi.
Baiqońyr arnaiy ókildiginiń Facebook-tegi resmi paraqshasynda jariialanǵan aqparatqa sáikes, mobilizatsiialaý jáne tólemder týraly habarlama Baiqońyr aýmaǵynda ornalasqan Resei Federatsiiasynyń azamattaryna ǵana qatysty.
«Baiqońyr qalasy Ákimshiligi basshysynyń 2023 jylǵy 07 aqpandaǵy №49 qaýlysyna sáikes Baiqońyr qalasynda turatyn jumyldyrylǵan azamattarǵa, sondai-aq arnaiy áskeri operatsiiaǵa qatysýǵa niet bildirgen jáne áskeri qyzmetti ótkerýge kelisimshart jasasqan adamdarǵa áleýmettik qoldaý sharasy retinde 260 (eki júz alpys) myń rýbl mólsherinde birjolǵy aqshalai tólem belgilengen. Resei Federatsiiasy Prezidentiniń 21.09.2022 jylǵy №647 «Resei Federatsiiasynda ishinara jumyldyrý jariialaý týraly» Jarlyǵyna sáikes tek Resei Federatsiiasynyń azamattary áskeri qyzmetke shaqyrylady.
Sondai-aq, erikti túrde áskeri qyzmetshi retinde jumyldyrý nemese arnaiy áskeri operatsiiaǵa qatysý úshin Resei Federatsiiasynyń 60 jasqa deiingi er azamattary shaqyrylýy múmkin. Osylaisha, Baiqońyr qalasy Ákimshiligi Basshysynyń joǵaryda atalǵan Qaýlysyna sáikes áleýmettik qoldaý sharasy retinde 260 (eki júz alpys) myń rýbl mólsherinde birjolǵy aqshalai tólem tek Baiqońyr qalasynyń turǵyny bolyp tabylatyn Resei Federatsiiasynyń azamattaryna qoldanylady.
Anyqtama retinde, Úkimetaralyq kelisimge sáikes Baiqońyr qalasynyń turǵyny bolyp qala aýmaǵynda turatyn jáne Baiqońyr qalasynyń ákimshiliginde tirkelgen Qazaqstan Respýblikasynyń azamaty nemese Resei Federatsiiasynyń azamaty tanylady», – delingen habarlamada.
Esterińizge sala keteiik, Qazaqstanda qos azamattyqqa tyiym salynǵan. QR Konstitýtsiiasynyń 10-babynyń 3-tarmaǵyna jáne «QR azamattyǵy týraly» QR Zańynyń 3-babyna sáikes respýblika azamaty basqa memlekettiń azamattyǵyn moiyndamaidy.
