Ýkrainada ótken táýlikte COVID-19 virýsyn juqtyrýdyń 6295 jaǵdaiy, 73 ólim jaǵdaiy tirkeldi, dep habarlaidy "Ult aqparat" eldiń Ulttyq aqparat agenttigi «ÝKRINFORM»-ǵa silteme jasap.
Agenttiktiń habarlaýynsha, bul týraly Facebook-te eldiń densaýlyq saqtaý ministri Maksim Stepanov málimdegen.
«Ýkrainada 2021 jylǵy 20 aqpandaǵy jaǵdai boiynsha COVID-19 koronavirýs aýrýyn juqtyrýdyń 6 295 jańa jaǵdaiy tirkelgen. Jekelei alǵanda, 429 bala men 223 meditsina qyzmetkeri aýrýǵa shaldyqqan», - dep jazdy ol.
Ministrdiń málimetinshe, ótken táýlikte 2 225 adam aýrýhanaǵa jatqyzylǵan, 73 naýqas kóz jumǵan, 4 539 adam saýyǵyp shyqqan.
Pandemiia bastalǵaly Ýkrainada 1 299 967 adam koronavirýsqa shaldyqqan. Ólim jaǵdailarynyń sany – 25 045.
