Belgiia aýrýhanalarynyń Covid-19 aýrýyn emdeý bólimshelerinde 50%-dan astam oryn tolyp qaldy. Niderlandy, Ýkraina men Germaniiada virýsqa shaldyǵýshylar rekordy jańardy, Frantsiia men Ulybritaniiada asa qatań karantin erejeleri bar «qyzyl aimaqtar» paida bolady, dep habarlaidy VVS agenttigi.
Izrail biligi elde qyrkúiektiń ortasynda qaita engizilgen lokdaýn nátije bergenin, iaǵni infektsiianyń taralýy báseńdegenin habarlady.
Densaýlyq saqtaý ministrliginiń habarlaýynsha, sońǵy táýlikte elde Covid-19-dyń 4,1 myń jańa jaǵdaiy anyqtalǵan. Biraq úshinshi kún qatarynan kórsetkish tómendeýde. Izrailde pandemiia bastalǵaly beri koronavirýsqa shaldyǵý jaǵdailarynyń jalpy sany 282 myńnan asady.
Eýrapada jaǵdai nasharlap barady
Germaniiada sońǵy táýlikte tórt myń adamnan aýrý anyqtalǵan. Bul – sáýir aiynyń basynan bergi eń joǵarǵy táýliktik kórsetkish. Ótken sársenbide 16 adam kóz jumǵan. Bilik muny pandemiianyń ekinshi tolqynymen ǵana emes, qyrkúiekten beri elde testileý kóleminiń aitarlyqtai artýymen de bailanystyrady.
Ýkraina biligi táýliktik rekordtyq kórsetkishti rastady. Sońǵy 24 saǵatta 5 397 adam aýrýǵa shalyqqan. Djons Hopkins ýniversitetiniń málimeti boiynsha, elde koronavirýs juqtyrǵandardyń jalpy sany 252 myń adamdy quraidy, 4800-i qaitys bolǵan.
Beisenbi kúni Frantsiianyń bes qalasy, Lill, Lion, Grenobl, Sent-Eten jáne Týlýza joǵary qaýip aimaqtary bolyp jariialandy. Atalǵan qalalardyń barlyǵynda infektsiianyń taralý kórsetkishi 1000 adamǵa shaqqanda 250-den asqan. Jaqynda el prezidenti Emmanýel Makron Frantsiianyń kóptegen aimaqtaryna da Parij ben Marselde qoldanylyp jatqan qatań sharalardy engizý kerek dep málimdedi. Sońǵy táýlikte búkil el boiynsha reanimatsiia bólimshelerine koronavirýs infektsiiasyn juqtyrǵan 143 naýqas tústi.
Niderlandyda sońǵy 24 saǵat ishinde bes myńǵa jýyq adamǵa Covid-19 diagnozy qoiylǵan.
Italiiada tótenshe jaǵdai 2021 jylǵy qańtar aiyna deiin uzartyldy. Munda dalada da, ǵimarat ishinde de maska taǵý mindetteldi. Bul talap Italiianyń barlyq aimaǵyna qatysty.
Shvetsiianyń internattary men qarttar úiinde jaǵdai kúrt nasharlap ketti.
Eske sala keteiik, Shvetsiia – pandemiiamen kúresý úshin karantin engizbegen sanaýly elderdiń biri. Djons Hopkins Ýniversitetiniń málimeti boiynsha, elde 96,7 myńǵa jýyq adam koronavirýspen aýyryp, 5 892 adam qaitys boldy.
