Harkov qalasynda qarttar úii bolǵan eki qabatty ǵimarat órtendi, dep habarlaidy "Ult aqparat" Ýkrinform agenttigine silteme jasap.
«21 qańtarda jergilikti ýaqytpen saǵat 15:03-te (elorda ýaqytymen 19:03) Harkov qalasynyń Nijniaia Gievskia kóshesindegi 150 B-úi órtendi. Órt qarttar úii bolǵan nysannyń ekinshi qabatynda bastalǵan. Saǵat 16:05-te ǵimarattan ólgen 15 adamnyń denesi tabyldy, taǵy 5 adam zardap shekken», - delingen qalalyq tótenshe jaǵdailar jónindegi qyzmet taratqan habarlamada.
Jalyn 100 sharshy metr aýmaqty sharpyǵan. Ony sóndirýge 28 maman jáne 7 tehnika jumyldyrylǵan.
Qaiǵyly oqiǵa memlekettik deńgeidegi tótenshe jaǵdai dep belgilendi. Qalalyq keńes saǵat 17-de oqiǵaǵa qatysty otyrys ótkizetin boldy.
