Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Ekonomika jáne biznes

Ýkrainada qalyp qoiǵan júk kólikteri Qaraǵandyǵa oraldy

Ult portaly
Ýkrainada qalyp qoiǵan júk kólikteri Qaraǵandyǵa oraldy


Ýkrainada qalyp qoiǵan jeti júk kóligi Qaraǵandyǵa oraldy. Júrgizýshiler ol jaqta bir aidan astam ýaqyt bolyp, jasyl dálizben shyqqan. Bul týraly "Habar 24" siýjetinde aityldy, - dep habarlaidy Tengrinews.kz.

Roman Býshýev Ýkrainada bir aidan astam ýaqyt bolǵan qaraǵandylyq júrgizýshilerdiń biri. Kólikte túnedik, azyq-túlik qorymyz boldy, dep eske alady júrgizýshi.

"Janarmai máselesi qiyn boldy, dizel otyny joq, azyq-túlik alatyn jer bolmady, qaita ózimizde bolǵany jaqsy boldy. Men tek bir jarylysty estidim, basqa eshteńe kórmedim. Qorqynyshty boldy. Ne bolatyny, qalai bolatyny belgisiz. Bir-birimizdi qoldap keldik. Anam, áielim, qyzym qatty qoryqty", - deidi Roman Býshýev.

Júk kólikteri 3 jyldan beri Ýkrainaǵa myrysh tasymaldaidy. Tapsyrysqa qarai keri aýylsharýashylyǵy tehnikasy nemese qurylys materialdary tasymaldanady. Júrgizýshilerdiń elden ketýine bir kún azdyq etti, deidi kólik kompaniiasynyń basshysy.

"Olar Ýkrainanyń ártúrli aimaǵynda, keibiri Dneprde, keibiri Harkovte boldy. Keibireýleri - Berdianskide. Nátijesinde bárin Dneprge jinadyq. Ýkrainadaǵy tasymaldaýshylardyń shuǵyl toby quryldy. Sol kezde Qazaqstannyń 50-ge jýyq kóligi bolǵan, onyń 7-ýi bizdiki", - dedi kólik kompaniiasynyń basshysy Stanislav Smolihin.

Jedel top quramynda Qazaqstan Respýblikasynyń Ýkrainadaǵy konsýldary men elshisi, Syrtqy ister ministrligi, Qaraǵandy ​​oblysynyń jolaýshylar kóligi departamenti, kólik inspektsiiasy ókilderi bolǵan. Birge "Ýkraina-Polsha-Belarýs-Resei-Qazaqstan" jasyl dálizi qurylǵan.

"Olar kúndelikti qozǵalysty, qaida, qai baǵytta júrip bara jatqanyn habarlap otyrdy. Qaraǵandyǵa aman-esen jetti", - dedi Jolaýshylar kóligi jáne avtomobil joldary basqarmasy basshysynyń orynbasary Nurlan Esentaev.

Tek Ýkrainanyń ózinde qazaqstandyq júk tasýshylar 4 kún jol júrgen.

Oqi otyryńyz