Kiev oblysynyń Chabany eldimekeninde Eýropaǵa gaz jetkizetin jáne kenttiń janynan ótetin joǵary qysymdy gaz qubyrynda (Ýrengoi-Pomary-Ýjgorod) sańylaý paida bolǵan, dep habarlaidy Ýkrinform agenttigi.
Bul týraly Chabany kentiniń keńesi habarlaǵan.
Qazir biteýish ornatyldy, gazdyń shyǵýy toqtady.
«Sizderden tynyshtyq saqtaýlaryńyzdy suraimyz, qajet bolǵan jaǵdaida Ýkrainanyń tótenshe jaǵdailar qyzmeti ókilderiniń nusqaýlaryn qatań saqtańyzdar», - delingen habarlamada.
Áleýmettik jelilerde jergilikti turǵyndar qatty daýysty estigenderin aitady, al keibir tilshiler buny gaz qubyryndaǵy jarylys dep boljap otyr.
«14.09.2020 jyly saǵat 00.30-da Kiev-Sviatoshinskii aýdanynyń Chabany kentinde joǵary qysymdy qubyr jaryldy. Barlyq apattyq-qutqarý qyzmetteri oqiǵa ornynda, jaqyn eldi mekenderde elektr qýaty óshirilgen, gazben jabdyqtaýdy toqtatý sharalary júrgizilýde. Túngi saǵat 1:15-te qubyrdy jaýyp tastady», - dep jazdy Kievtiń turaqty politsiia komissiiasynyń tóraǵasy Sergei Gýliev.
Sonymen qatar, avtorlardyń biri Tsentralnoe pole kóshesinde órt sóndirý mashinalary turǵanyn habarlady. Jergilikti turǵyndar eldimekenniń birneshe kóshesinde jaryq óshirilgenin habarlady.
