Foto: ashyq derekkóz
Vladimir Zelenskii Saýd Arabiiasynda amerikalyq komandamen ótken kezdesýden keiin málimdeme jasady, dep habarlaidy Ult.kz.
Bul kezdesýde Ýkraina úsh negizgi usynys jasaǵan:
- 1. Aspanda tynyshtyq – zymyrandar, bombalar, alys qashyqtyqtaǵy drondar toqtatylýy kerek.
- 2. Teńizde tynyshtyq ornaýy tiis.
- 3. Diplomatiialyq úderistiń senimdiligin arttyrý maqsatynda naqty qadamdar jasalýy qajet, eń bastysy – tutqyndardy bosatý.
Aitýynsha, amerikalyq tarap Ýkrainanyń dálelderin túsindi, usynystaryn qabyldady.
"Men Prezident Trampqa bizdiń komandalar arasyndaǵy syndarly dialog úshin alǵysymdy bildiremin", - dedi Zelenskii.
Kezdesýde AQSh tarapynan jańa usynys aityldy – 30 kún boiy tolyq atysty toqtatýdy synap kórý. Bul tek zymyrandarǵa, drondarǵa jáne bombalarǵa ǵana emes, Qara teńizge jáne barlyq maidan shebine qatysty. Ýkraina bul usynysty qabyldaitynyn jáne ony oń qadam dep sanaitynyn jetizdi.
"Biz buǵan daiynbyz. AQSh Reseidi osyǵan kóndirýge tiis. Biz kelisemiz, al eger «reseilikter» de kelisken jaǵdaida, tynyshtyq ornaidy.
Búgingi áńgimeniń mańyzdy bóligi – AQSh-tyń Ýkrainaǵa qorǵanys kómegin jáne barlaý málimetterimen almasýdy qaita jandandyrýǵa daiyn ekendigi.
Ýkraina beibitshilikke daiyn. Endi Resei óz tańdaýynyń qandai ekenin kórsetýi kerek – olar soǵysty toqtatýǵa daiyn ba, álde jalǵastyrmaq pa?
Aqiqattyń ýaqyty keldi. Ýkrainaǵa kómektesip jatqan barlyq adamdarǵa alǵys aitamyn", - dedi ol.
