Foto: Reuters
Ýkraina prezidenti Vladimir Zelenskii Ýkrainanyń qatysýynsyz jasalǵan bitimgershilik kelisimderge kónbeitinin aitty, dep habarlaidy Ult.kz.
Zelenskii sóziniń mańyzdy tustary:
- Evropa kelissózder ústelinde óz ornyna ie bolýy kerek. Ýkraina úshin qaýipsizdik kepildikteri — bul kelissózderdiń eń mańyzdy bóligi. Kepildiktersiz retteý jospary joq. Evropa qatyspai kelissózder bolmaidy.
- Men NATO-ǵa Ýkraina músheligi máselesin alyp tastamaimyn. NATO-nyń eń yqpaldy múshesi, kórinis boiynsha, Pýtin, óitkeni onyń sheshýshi sóz aitý quqyǵy bar — kim NATO-ǵa múshe bolady, kim bolmaidy.
- Biz prezident Tramppen jáne onyń komandasymen atom energiiasy, Zaporojskaia atom elektr stantsiiasy týraly sóilestik, qazir ony Resei kúshteri basyp alǵan. Resei Chernobyl sarkofagyna dron jiberýde. Bul — beibitshilik qalamaityn eldiń ustanymy.
- Evropa táýelsiz eýropalyq armiiaǵa muqtaj. Bul ýaqyt keldi.
- Ýkraina bizdiń qatysýymyzsyz jasalatyn kelisimderdi eshqashan qabyldamaidy. Ýkrainasyz Ýkrainaǵa qatysty sheshimder bolmaidy, Eýropasyz Eýropaǵa qatysty sheshimder bolmaidy.
- Resei kúshteri 250 myń sarbazynan aiyryldy, 600 myńnan astamy jaraqat aldy. Ýkraina tolyqtai Soltústik Koreia áskerlerin joidy. Resei armiiasynyń jeke quramynan tapshylyq týyndady.
- Pýtin AQSh prezidentiniń Qyzyl alańda turyp, onyń shoýyna qatysýyn qalaidy.
- Resei 150 000 jańa sarbazben 15 jańa diviziia qurýda. Bizde barlaý málimetteri bar, Resei áskerlerin Belarýske jiberýdi josparlap otyr — oqý-jattyǵýlar ótkizý. Ýkrainadaǵy soǵys úsh jyl buryn osylai bastaldy. Belarýs úsh NATO eliniń shekarasynda ornalasqan. Sizdiń armiialaryńyz arandatýlarǵa daiyn ba?
- Resei 2022 jylǵy shekaralarǵa qaityp oralýy kerek. Pýtin álsiz, biz bul jaǵdaidy paidalanýymyz kerek.
- Bizge sizderdiń beretinderińiz qajet: qarý-jaraq, sanktsiialar, qarjylandyrý.
- Qazirgi tańda Ýkraina álemde drondardy jasaý boiynsha kóshbasshy.
Sonymen qatar Vladimir Zelenskii 24 aqpanda barlyq eýropalyq liderlerdi Kievte kezdesý ótkizýge shaqyrdy.
