Ýkraina premer-ministri Denis Shmygal elde COVID-19 úshinshi tolqynynyń bastalǵanyn málimdep, kelesi lokdaýnnyń múmkindigin joqqa shyǵarmaitynyn jetkizdi, dep habarlaidy "Ult aqparat" Ýkrinform saityna silteme jasap.
Degenmen ol jaǵdaidy beiimdelgen karantin quraldarymen barynsha basqarýǵa ýáde beredi.
Bul týraly Denis Shmygal Úkimettiń tóraǵalyǵymen ótken jyl qorytyndysy jaily baspasóz máslihatynda aitty.
«Biz qazir kún saiyn naýqastaný jaǵdailarynyń kóbeiýin kórip otyrmyz, ókinishke qarai, Ýkrainada indettiń úshinshi tolqyny bastalǵanyn aitý kerek. Bul statistikany jasyrý nemese basqasha túsindirý múmkin emes. Sanaly bolý kerek, Ýkrainada koronavirýs pandemiiasynyń úshinshi tolqyny bastaldy», - dedi Shmygal.
