Ýkraina prezidenti Vladimir Zelenskii 15 naýryzda videomálimdeme jasap, Resei áskerilerin berilýge shaqyrdy, dep habarlaidy Azattyq.
"Ýkrainadan eshteńe ala almaisyzdar. Ómirlerdi qiiarsyzdar. Sizder óte kópsizder. Biraq sizderdiń ómirlerińizdi de alady. Biraq ne úshin ólimge barasyz? Bilem, tiri qalǵylaryńyz keledi. Sizderdiń bul soǵys jaily, bul masqara jait jaily, elderińiz týraly ne oilaityndaryńyzdy estip jatyrmyz. Bir-birińizben áńgimelerińizdi, jaqyndaryńyzǵa qońyraý shalǵanda aitqandaryńyzdy da tyńdadyq. Sizderdiń ne oilaityndaryńyzdy bilemiz. Sondyqtan sizderge tańdaý usynamyn. Ýkraina halqynyń atynan sizderge múmkindik beremin. Bizdiń áskerilerimizge berilseńizder, sizderge adam dep qaraimyz" dedi ol.
Zelenskii málimdemesinde "Resei Ýkrainaǵa basyp kirgeli 19 kúnniń ishinde Sheshenstandaǵy eki soǵyspen salystyrǵanda kóp shyǵynǵa ushyraǵanyn" aitty.
"Bizdiń batyl otan qorǵaýshylarymyz Resei áskerin shyǵynǵa ushyratyp jatyr. Jaqyn kúnderi Reseidiń qulaǵan tikushaǵy júzge jetedi. 80 áskeri ushaǵyn, júzdegen tankisin, myńdaǵan áskeri tehnikasynan aiyryldy" dedi Ýkraina basshysy.
Kiev Resei Ýkrainaǵa basyp kirgeli 13,5 adamynan aiyryldy (qaza tapqandar men jaralanǵandar) dep málimdegen. Resei naýryzdyń basynda 498 áskeriinen aiyrylǵanyn aitqan. Odan keiin Kreml adam shyǵyny jaily málimet taratpady.
AQSh qorǵanys ministrligi keiingi birneshe kúnde Resei kúshteri Ýkrainada aitarlyqtai progresske jete almady, "tyǵyryqqa tireldi" dep málimdedi. Pentagon Ýkraina áskerileri Reseidiń bronetehnikalaryna, ushaqtaryna, logistikasyna "tiimdi shabýyl jasai aldy" deidi.
