Ýkraina biyl Astanada ótkeli otyrǵan EKSPO-2017 kórmesine Elbasy Nursultan Nazarbaevtyń súiikti ánshilerin alyp kelmek.
Bul týraly búgin Qazaqstan Respýblikasyndaǵy Ýkraina isterindegi Ýaqytsha senimdi ókil Volodymyr Djidjora habarlady.
"Biz energetika turǵysynan ǵana emes, Ýkrainada bar barlyq qyzyqtardy ákelýge tyrysamyz. Ýkraina ártisteri de keledi, sonyń ishinde Prezident Nazarbaevtyń súiikti ánshilerin shaqyrdyq. Elbasy, Prezident myrza stýdent kezde Dneprodjerzinskide oqyǵan kezde súiip tyńdaǵan mýzykadan bólek, Ýkrainanyń qazirgi zamanǵy mýzykasymen de qyzyǵatynyn anyqtadyq. Sondyqtan olardy da Qazaqstan jurtshylyǵy men Prezident úshin Astanaǵa alyp kelýge tyrysamyz", - dedi V. Djidjora.
Astanaǵa qandai ánshiler keletindigin Ýkraina ókil qupiia saqtaýdy jón kórdi.
"Ol tosynsyi bolmaq. Ázirge olardy qupiiada saqtaǵymyz keledi", - dedi ol.
Aita keteiik, Ýkraina EKSPO-2017 kórmesine qatysý týraly kelisimshartqa 2016 jyly 16 qarashada qol qoiǵan bolatyn. V. Djidjoranyń sózinshe, kórmege balamaly energiia óndirýshi ýkrainalyq 10 kompaniia qatysýǵa niet tanytqan. Olardyń qatarynda DTEK, FÝRLENDER Vindtexnolodji", "SYNEKO", "SolarGaps" bar.
