Ýkrainanyń Reseimen kelissóz delegatsiiasynyń múshesi, Joǵarǵy Radadaǵy "Slýga naroda" fraktsiiasynyń basshysy David Arahamiia Reseidiń "Qyrymdy Resei sýbektisi" dep taný jáne "DHR" men "LHR" táýelsizdigin moiyndaý týraly talaby oryndalmaitynyn málimdedi. Bul týraly Azattyq radiosy habarlady.
Arahamiia Ýkrainanyń beitarap áskeri statýsy jónindegi Reseidiń taǵy bir talaby jóninde de aitty. Onyń sózinshe, NATO aldaǵy 5-10 jyl ishinde Ýkrainany múshelikke alý jóninde talqylaiyn dep otyrǵan joq, Ýkrainanyń ózi de "NATO-ǵa kirýge ótinish berý úshin kúrespeidi".
Jeksenbi kúni Reesi prezidenti Vladimir Pýtin Frantsiia prezidenti Emmanýel Makronmen jáne Túrkiia basshysy Redjep Taiyp Erdoǵanmen telefon arqyly sóilesken. Pýtin bul joly da burynǵy talabyn qaitalap, soǵys operatsiiasyn toqtatý úshin Kiev Resei talaptaryn oryndaýǵa jáne Resei áskerine qarsy urysqa shyqpaýǵa tiis dep málimdegen. "Óitpegen jaǵdaida operatsiia sońyna deiin jetkiziledi".
- Resei qarýly kúshteri Vladimir Pýtinniń buiryǵymen 24 aqpanda Ýkrainaǵa basyp kirgen. Pýtin bul áreketin "NATO-nyń Ýkrainany qosyp alyp, Resei irgesinde turýyna jol bermeimiz" dep túsindirgen bolatyn. Qyrymdy Reseidiki dep moiyndaý, "DHR" men "LHR-di" táýelsiz memleket dep tanýdan ózge Resei Ýkrainadan "ultshyldardy joiý" jáne "qarýsyzdanýdy" talap etken.
- Ýkrainaǵa shabýyldan keiin AQSh pen Batys elderi Reseige qatań sanktsiia salǵan. Júzdegen korporatsiia men brend Reseidegi biznesin toqtatqan.
- Soǵys bastalǵaly Ýkraina men Resei áskerinen qansha adam ólgeni naqty belgisiz. Túrli málimetter myńdaǵan adam ólgenin kórsetip otyr.
