14 naýryzdaǵy jaǵdai boiynsha Ýkrainada qalyp qoiǵan qazaqstandyq menshik ielerine tiesili 57 júk kóliginiń 51-i shyǵaryldy.
Bul týraly QR Indýstriia jáne infraquryymdyq damý ministrliginiń baspasóz qyzmeti habarlady.
Baspasóz qyzmetiniń málimetterine qaraǵanda, 11 kólik Resei Federatsiiasy aýmaǵyna, 8-i Moldovaǵa jáne 32-si Polshaǵa ótti. Ýkrainada ázirge 6 kólik qalyp otyr, onyń ishinde 5 júrgizýshi - osy eldiń azamattary.
Sondai-aq, qazaqstandyq operatorlarǵa tiesili 1030 júk vagony ýkrain jerinde tur. Bul elge qarai baǵyttalǵan 509 vagon ázirge Resei Federatsiiasy men Grýziia aýmaǵynda. Taǵy 627 vagon basqa baǵyttarǵa jiberildi.
«Memleket basshysy Qasym-Jomart Toqaev Ýkrainadaǵy Qazaqstan azamattaryn evakýatsiialaý jónindegi jumysty jiti qadaǵalap otyr.
Halyqaralyq tasymaldarda týyndaǵan máseleler boiynsha jedel áreket etý úshin QR IIDM, «Qazaqstan temir joly» UK» AQ jáne elimizdiń teńiz porttary janynan «Jedel jeliler» ashyldy»,-delingen habarlamada.
QR IIDM jedel jelisiniń telefondary:
QR IIDM Kólik komitetiniń Ahýaldyq ortalyǵy: +7 (7172) 98-35-35, 98-35-33;
QR IIDM Ahýaldyq ortalyǵynyń WhatsApp nómiri: + 7 708 088 0 800
