Ýkraina Prezident Vladimir Zelenskii eldegi Qarýly Kúshter sanyn aldaǵy úsh jylda 100 myń adamǵa ulǵaitý týraly jarlyqqa qol qoidy. Bul týraly QazAqparat Ýkrinform aqparat agenttigine silteme jasap habarlaidy.
Qujat týraly toǵyzynshy shaqyrylǵan Joǵarǵy Radanyń jetinshi sessiiasynyń ashylýynda aityldy.
«Ýkraina Prezidentiniń memlekettiń qorǵanys qabiletin jáne áskeri qyzmettiń tartymdylyǵyn nyǵaitý týraly jarlyǵy ázirlendi. Bul jarlyq barlyq áskeri qyzmetshilerdi materialdyq qamtamasyz etýdi eń tómengi jalaqynyń úsh mólsherinen tómen emes deńgeige deiin arttyrýdy kózdeidi. Ýkrainanyń kásibi armiianyń negizine kóshýi, ofitserler mansabynyń ósýi, sondai-aq aldaǵy úsh jylda Ýkraina Qarýly Kúshteriniń kásibi armiiasynyń 100 myń adamǵa ulǵaiýy úshin júie ázirlendi», - dedi Prezident.
Sonymen qatar, Ýkraina Qarýly Kúshteriniń qosymsha 20 brigadasyn qurý máselesi tur. «Bul jarlyq Ýkrainanyń kásibi armiiaǵa kóshýiniń bastamasy bolyp tabylady. Bul jarlyq jaqyn arada soǵys bolatyny úshin emes, Ýkrainada beibitshilik bolýy úshin jasalǵan», - dedi Vladimir Zelenskii.
