Ulttyq qaýipsizdik komiteti Almaty oblysynda birneshe terakti jasaýdy josparlaǵan topty qolǵa túsirdi, dep habarlaidy "Ult aqparat" Qazaqstan Respýblikasy UQK baspasóz qyzmetine silteme jasap.
"2016 jylǵy 18 tamyzda Almaty oblysynda Ulttyq qaýipsizdik komitetiniń qyzmetkerleri Qazaqstan aýmaǵynda terroristik aktiler seriiasyn josparlaǵan radikaldy toptyń 4 múshesin ustaý boiynsha arnaiy operatsiia júrgizdi", delingen UQK habarlamasynda.
Qazaqstan jáne Qyrǵyzstan azamattary bolyp tabylatyn topqa qatysýshy ustalǵandardan, olardyń turǵan jerinde arnaiy salynǵan qupiia orynnan qoldan isteletin jarylǵysh qurylǵylardy daiyndaýǵa arnalǵan quraýyshtar, dini-ekstremistik materialdar alynǵan.
Radikaldardyń UQK, politsiia jáne áskeri bólimshe qyzmetkerlerine jáne olardyń ornalasqan ornyna qarýly shabýyl jasaý boiynsha jospary beitaraptandyryldy. Kelesi kezeńde olar adamdar kóp jinalatyn jerlerde terroristik aktiler jasaýdy uiǵarǵan.
Tergeý jáne jedel-izdestirý is-sharalary jalǵastyrylýda, olardyń nátijeleri boiynsha qosymsha habarlanatyn bolady.
Ult portaly
