Foto: UQK baspasóz qyzmeti
UQK Shymkentte Túrkistan oblysynyń turǵynyn ustady. Ol terrorizmdi nasihattady degen kúdikke ilingen, - dep habarlaidy Tengrinews.kz UQK baspasóz qyzmeti málimetine silteme jasap.
"2024 jylǵy 1 aqpanda Ulttyq qaýipsizdik komiteti prokýratýranyń úilestirýimen Shymkent terrorizmdi nasihattaý boiynsha kúdikti Túrkistan oblysynyń turǵynyn ustady.
Budan basqa, tergeý materialdary boiynsha ol terroristik toptardyń jaǵynda urys is-qimyldaryna qatysý úshin Siriiaǵa ketýdi josparlaǵan", - delingen habarlamada.
Qylmystyq kodekstiń 256-baby boiynsha figýrantqa qatysty qylmystyq is tergelip, tergep-tekserý áreketteri júrgizilip jatyr.
QR Qylmystyq-protsestik kodekstiń 201-baby 1-bóligine sáikes ózge aqparattar jariialanbaidy.
