Ulttyq qaýipsizdik komiteti Siriia men Iraktaǵy qarýly qaqtyǵys aimaǵynda qalǵan qazaqstandyq balalar sanyn aitty, dep habarlaidy "Ult aqparat".
UQK tóraǵasynyń orynbasary Nurǵali Bilisbekovtyń málimetinshe, qazirgi ýaqytta Siriia-Irak aýmaǵynda 16 jasqa deiingi 390 bala bar – 214 ul, 176 qyz. "Birden aityp óteiin, osy sandy tilge tiek etip otyrsaq ta, shyn mánisinde sonsha balanyń tiri júrgenine kepildik bere almaimyz. Álbette, olar belsendi áskeri operatsiialar, Siriia áskeri men koalitsiialar aimaǵynda. Atalǵan balalardyń bári aman-esen dep naqty aita almaimyz", — dedi Bilisbekov "Ekstremizm men terrorizmge qarsy is-qimyl máseleleri boiynsha Qazaqstannyń keibir zańnama aktilerine ózgertýler men tolyqtyrýlar engizý týraly" zańdy júzege asyrý jónindegi múddeli memlekettik organdar kezdesýi barysynda.
UQK málimetine súiensek, bombalaý aimaqtaryna Qazaqstannyń azamattary da tap bolyp jatady.
"Biz qaita tekserýge tyrysyp jatyrmyz, bul óte qiyn jumys – ol jerde eshqandai konsýldyq qyzmet joq, biliktiń ózi qaqtyǵys aimaqtaryn baqylaýǵa qaýqarsyz, degenmen bul jumysty atqarýǵa barynsha kúsh salyp jatyrmyz", — dep sendirdi UQK tóraǵasynyń orynbasary.
Qazir Qazaqstanǵa 63 bala qaitarylǵan, taǵy 50 balany alyp kelý josparlanyp otyr. "Bul balalardy ońaltý úshin qaýyrt jumys isteýmiz kerek bolady", — dep atap ótti Bilisbekov.
Read more: https://sputniknews.kz/society/20171212/4018328.html
