Foto: QR UQK baspasóz qyzmeti
Ulttyq qaýipsizdik komiteti esirtki zattarynyń iri partiiasyn Qazaqstanǵa kirgizý áreketiniń jolyn kesti, - dep habarlaidy "Ult aqparat" vedomstvonyń baspasóz qyzmetine silteme jasap.
6 naýryzda shekara nariady Túrkistan oblysy Saryaǵash aýdany aýmaǵyndaǵy "Jibek joly" ótkizý pýnktinde sheteldiktiń basqarýyndaǵy avtokólikti toqtatqan.
"Kólikti tekserý barysynda janarmai quiatyn bóliginde jasyrylǵan 14 kelige jýyq esirtki jáne psihotroptyq zattar tabyldy. Onyń ishinde 5 keli 290 gramm geroin, 792 gramm apiyn jáne 5 keli 335 gramm gashish, sonymen qatar 1 keli 962 gramm sintetikalyq esirtki", - delingen habarlamada.
Atalǵan fakt boiynsha material QR QK 297-babynyń 3-tarmaǵy boiynsha sotaldy tergeýdiń biryńǵai tizilimine tirkeldi. Ózge aqparat tergeý múddesinde QR QK-nyń 201-babyna sáikes jariialanbaidy.
