UQK Shekara qyzmetiniń burynǵy basshysy Nurlan Jolamanov bostandyqqa shyqty. Bul týraly Semei qalalyq № 2 sotynyń baspasóz qyzmeti málimdedi, - dep habarlaidy Tengrinews.kz tilshisi.
"Semei qalasynyń №2 soty jazany óteýden shartty túrde merziminen buryn bosatý týraly ótinish boiynsha, ol zańda belgilengen jaza merziminiń bir bóligin ótegeni, jazany óteý kezinde ózin jaqsy jaǵynan kórsetkeni, shyǵyndardy tólegeni, sot úkimi boiynsha azamattyq talap qoimaǵany, jazany óteý kezinde 19 madaqtaý bar ekeni, jazany óteýdiń jeńildetilgen túrine aýysqany, mekemeniń qoǵamdyq ómirine jáne tárbie is-sharalaryna belsendi qatysqany týraly materialdardy qarady. Osyǵan bailanysty ol jazany tolyq óteýdi qajet etpeidi", - dep habarlady sottyń baspasóz qyzmetindegiler.
Astana mamandandyrylǵan aýdanaralyq áskeri sotynyń 2015 jylǵy 6 naýryzdaǵy úkimimen Jolamanov múlki tárkilenip, jazasyn qatań rejimdegi koloniiada óteýmen 11 jylǵa bas bostandyǵynan aiyrylǵan bolatyn. Merzimi 2014 jyly 27 qazanda bastalǵan, 2025 jyly aiaqtalýy kerek.
